Jobe 12:1-25

  • Jobe o a araba (1-25)

    • “Ga ke wa maemo a a kwa tlase mo go lona” (3)

    • “Ke fetogile sengwe se se tshegisang” (4)

    • ‘Modimo o botlhale’ (13)

    • Modimo o kwa godimo ga baatlhodi le dikgosi (17, 18)

12  Foo Jobe o ne a araba a re:   “Eleruri ke lona batho ba lo itseng,*Mme fa lo swa, ga go na ope yo o botlhale yo o tla salang!   Mme gone, le nna ke na le tlhaloganyo.* Ga ke wa maemo a a kwa tlase mo go lona. Ke mang yo o sa itseng dilo tseno?   Ke fetogile sengwe se se tshegisang mo ditsaleng tsa me,+Ka gonne ke bitsa Modimo mme ke solofetse gore a nkarabe.+ Monna yo o siameng le yo o se nang molato o jewa ditshego.   Motho yo o se nang matshwenyego o nyatsa ba ba wetsweng ke masetlapelo,O akanya gore dilo tse di bosula di diragalela ba ba wetsweng ke masetlapelo fela.   Dinokwane di tshela ka kagiso mo magaeng a tsone,+E bile ba ba kgopisang Modimo ba babalesegile,+Ba ba tshotseng modimo wa bone mo diatleng tsa bone.   Le fa go ntse jalo, tsweetswee botsa diphologolo, mme di tla go ruta;Le dinonyane tsa magodimo, mme di tla go bolelela.   Ela tlhoko dilo tse di mo lefatsheng,* mme di tla go ruta;Le ditlhapi tsa lewatle di tla go itsise seo.   Ke sefe mo dilong tseno tsotlhe se se sa itsengGore seatla sa ga Jehofa se dirile seno? 10  Mo seatleng sa gagwe go na le botshelo jwa sengwe le sengwe se se tshelangLe moya* wa motho mongwe le mongwe.*+ 11  A tsebe ga e tlhatlhobe mafokoJaaka loleme* lo utlwa dijo?+ 12  A botlhale ga bo fitlhelwe mo go ba ba tsofetseng,+E bile a temogo ga e tle le botshelo jo boleele? 13  O na le botlhale le maatla;+O na le kgakololo le temogo.+ 14  Fa a rutlolola sengwe, ga se ka ke sa agiwa gape;+Se a se tswetseng, ga go ope yo o ka se bulang. 15  Fa a thibela metsi, sengwe le sengwe se a kgala;+Fa a a bulela, a khurumetsa lefatshe.+ 16  O na le nonofo le botlhale jo bo mosola;+Yo o fapogang le yo o faposang ba bangwe, ba mo taolong ya gagwe; 17  O tsamaisa bagakolodi ba sa rwala sepe mo dinaong,*E bile o dira gore baatlhodi ba nne dieleele.+ 18  O bofolola dikgole tse dikgosi di di bofileng,+Mme o bofa lebanta mo lothekeng lwa tsone. 19  O tsamaisa baperesiti ba sa rwala sepe mo dinaong,+E bile ba ba tlhomameng mo maemong a bone a taolo o a ba menola;+ 20  O amoga bagakolodi ba ba ikanngwang puoE bile o tseela bannabagolo* tlhaloganyo; 21  O dira gore batlotlegi ba nyatsege,+E bile o koafatsa ba ba maatla;* 22  O senola dilo tse di boteng go tswa mo lefifing,+E bile o tlisa lefifi le lentshontsho mo leseding; 23  O dira gore ditšhaba di nne maatla, gore a tle a di senye;O dira gore ditšhaba di oketsege, gore a tle a di ise botshwarwa. 24  O tseela baeteledipele ba batho temogo,*E bile o dira gore ba kgarakgatshege mo mafelong a a se nang ditsela.+ 25  Ba apaapa mo lefifing,+ kwa go se nang lesedi teng;O dira gore ba thetheekele jaaka batho ba ba tagilweng.+

Dintlha Tse di Kwa Tlase

Seheb., “ke lona batho.”
Seheb., “pelo.”
Kgotsa gongwe “Kgotsa bua le lefatshe.”
Kgotsa “mohemo.”
Seheb., “wa nama yotlhe ya motho.”
Seheb., “magalapa.”
Kgotsa “ba gapetswe sengwe le sengwe.”
Kgotsa “bagolwane.”
Seheb., “o bofolola lebanta la ba ba maatla.”
Seheb., “pelo.”