Unona ed Saray Taga Corinto 2:1-17
2 Ta denesidik ya agta kayo paermenen lamet diad ontumbok ya iyakar kod sikayo.
2 Ta no paermenen ta kayo, siopa ni mamaliket ed siak noag samay pinaermen ko?
3 Kanian nansulat ak ed sikayo, pian sano onla ak ditan et agak paermenen na saramay nepeg komon a panliketan ko, lapud matalek ak a saray bengatlan mamapaliket ed siak et mamapaliket met ed sikayon amin.
4 Ta diad dakel ya irap tan gonigon ed pusok et sinulatan ta kayo a dakel so tinmedter a luak, aliwan pian paermenen kayo,+ noagta labay kon naamtaan yoy kaaralem na panangarok ed sikayo.
5 Natan no walay siopaman ya amaermen,+ say pinaermen to et aliwan siak, noagta sikayon amin. Agko intension so mangusar na ansakit iran salita.
6 Magenap la ed satan a too so disiplinan inter na karaklan ed sikayo;
7 natan, sikatoy nepeg a mapangasi yon perdonaen tan ligliwaen,+ pian sikatoy agnadaeg* na alablabas ya ermen.+
8 Bilinen ta kayo sirin ya ipaseguro yod sikato so panangaro yo.+
9 Ta saya met so rason a nansulat ak ed sikayo: pian naamtaan no kasin matulok kayo ed amin a bengatla.
10 Siopaman a peperdonaen yo ed antokaman a lingo to, peperdonaen ko met. Diad tua, antokaman so pinerdonak, (no walay bengatlan pinerdonak) et parad sikayo diad pakanengneng nen Kristo,
11 pian ag-itayo nadaeg* nen Satanas,+ ta amta tayo iray pakana* to.+
12 Natan, sanen sinmabi ak ed Troas+ pian iyabawag so maong a balita nipaakar ed Kristo tan nilukas ed siak so sakey a puerta nipaakar ed kimey na Katawan,
13 nanaburido ak ta agko anengneng si Tito+ ya agik. Kanian nampatanir ak ed saray agagi diman tan linma ak ed Macedonia.+
14 Balet salamat ed Dios, a naynay a mangiwawanwan ed sikatayo diad sakey a parada na pananalo a kaiba na Kristo tan diad panamegley tayo et ikakayat to* ed amin a pasen so balingit na kakabatan nipaakar ed sikato!
15 Ta sikatayoy ambalbalingit ed Dios legan tayon iyaabawag si Kristo diad saray nililiktar tan diad saray nadederal;
16 diad saramay unor ya abitla et sakey itan ya angob a mangitonton ed ipapatey,+ balet diad saramay unonan abitla et sakey itan ya ambalingit ya angob a mangitonton ed bilay. Tan siopay kualipikado parad sarayan bengatla?
17 Sikami, ta agmi ilalako* so salita na Dios+ a singa gagawaen na dakel a totoo, noagta masimoon kamin mansasalita bilang imbaki na Dios, on, diad pakanengneng na Dios tan kaiba nen Kristo.
Paimanod leksab
^ Odino “ag-akmonen.”
^ Odino “naanamot.”
^ Odino “intension.”
^ Odino “gagawaen ton sankaimano.”
^ Odino “agmi pannenegosyoan; agmi panutuboan.”
