Oseas 8:1-14
8 “Huypa ang budyong!+
Ang kaaway moabot nga samag agila batok sa balay ni Jehova,+Kay gilapas nila ang akong pakigsaad+ ug ang akong balaod.+
2 Sila mituaw kanako, ‘Oh among Diyos, kami, ang Israel, nakaila kanimo!’+
3 Gisalikway sa Israel ang maayo.+
Gukdon siya sa iyang kaaway.
4 Sila nagbutang ug mga hari, apan dili pinaagi kanako.
Sila nagbutang ug mga prinsipe, apan wala nako sila uyoni.
Sila naghimog mga idolo pinaagi sa ilang plata ug bulawan,+Aron lang mangalaglag.+
5 Gisalikway nako ang imong diyos nga nating baka, Oh Samaria.+
Misilaob ang akong kasuko kanila.+
Kanus-a pa man sila mobuhat kon unsay matarong ug putli?
6 Kay kini gikan sa Israel.
Hinimo kinig artesano,* dili sa Diyos;Ang nating baka sa Samaria pagadugmokon.
7 Kay hangin ang ilang gipugas,Unos ang ilang anihon.+
Walay uhay nga magpatunghag gulang nga lugas;+Ang lugas niini dili makapatunghag harina.
Kon makapatungha man, kaonon kini sa mga langyaw.*+
8 Ang Israel bihagon sa kaaway.+
Sila mahiadto sa kanasoran,+Samag sudlanan nga walay pulos.
9 Kay sila nangadto sa Asirya,+ samag ihalas nga asno.
Ang Epraim nagsuhol ug mga babaye aron mahimo nilang hinigugma.+
10 Bisan tuod gikan sa kanasoran ang ilang gisuholan,Tigomon nako sila karon;Sila mag-antos+ tungod sa mga palas-anon nga gipatuman sa hari ug mga prinsipe.
11 Gipadaghan sa Epraim ang iyang mga halaran, busa siya nakasala.+
Kini nahimong iyang mga halaran sa pagpakasala.+
12 Gihatagan nako silag daghang balaod,*Apan wala nila kini tagda.+
13 Sila naghalad kanako, ug ginakaon nila ang karne,Apan ako, si Jehova, wala malipay sa ilang mga halad.+
Karon akong hinumdoman ang ilang kasaypanan ug silotan sila sa ilang mga sala.+
Sila namalik* sa Ehipto.+
14 Gikalimtan sa Israel ang iyang Magbubuhat+ ug nagtukod siyag mga templo,+Ug gipadaghan sa Juda ang iyang pinarilang mga siyudad.+
Apan magpadala kog kalayo sa iyang mga siyudad,Ug lamyon niini ang mga torre sa matag siyudad.”+
