Oseas 11:1-12
11 “Sa bata pa ang Israel, gihigugma nako siya,+Ug gikan sa Ehipto akong gitawag ang akong anak.+
2 Samtang ilang* gitawag sila,Mas mipalayo sila kanila.+
Padayon silang naghalad sa mga larawan ni Baal+Ug sa kinulit nga mga larawan.+
3 Apan ako ang nagtudlo kang Epraim sa paglakaw+ ug nagkugos kanila;+Ug wala nila ilha nga giayo nako sila.
4 Ginabitad nako sila pinaagi sa pisi sa mga tawo* ug pinaagi sa pisi sa gugma;+Sama kog nagtangtang ug yugo sa ilang liog,Ug gidad-an nakog pagkaon ang matag usa kanila sa malumong paagi.
5 Dili sila mobalik sa Ehipto, apan mahimo nilang hari ang Asirya,+Kay midumili sila sa pagbalik kanako.+
6 Usa ka espada ang motigbas sa ilang mga siyudad+Ug pamutlon niini ang mga trangka ug panigbason sila tungod sa ilang daotang mga plano.+
7 Ang akong katawhan nakiling sa pagkadili-matinumanon kanako.+
Bisag ilang* gipabalik sila sa itaas,* walay bisan usa kanila nga mitindog.
8 Unsaon nako pagbiya kanimo, Oh Epraim?+
Unsaon nako pagtugyan kanimo sa kaaway, Oh Israel?
Unsaon nako paghimo kanimo ang akong gihimo sa Adma?
Unsaon nako paghimo kanimo ang akong gihimo sa Zeboiim?+
Nausab ang akong kasingkasing;Ug napukaw* ang akong kaluoy.+
9 Dili nako ipahamtang ang akong nagsilaob nga kasuko.
Dili nako laglagon pag-usab ang Epraim,+Kay Diyos ko ug dili tawo,Ang Balaang Usa sa inyong taliwala;Ug dili ko moanha kaninyo nga may dakong kasuko.
10 Sila magalakaw sunod kang Jehova, ug siya mongulob samag leyon;+Dihang siya mongulob, ang iyang mga anak mangabot nga magkurog gikan sa kasadpan.+
11 Magkurog sila nga samag langgam dihang mogawas sila sa Ehipto,Samag salampati nga mogawas sa Asirya;+Ug papuy-on nako sila sa ilang mga balay,” miingon si Jehova.+
12 “Ang Epraim kanunayng namakak kanako,Ug punog panglimbong ang panimalay ni Israel.+
Apan ang Juda nagalakaw gihapon uban sa Diyos,Ug siya matinumanon sa Usa nga Labing Balaan.”+
