Oseas 7:1-16
7 “Sa panahon nga ayohon nako ang Israel,Madayag sab ang sala sa Epraim,+Ug ang pagkadaotan sa Samaria.+
Kay sila nagapanglimbong;+Ang mga kawatan nagapanglungkab ug ang pundok sa mga tulisan nagapanulis sa gawas.+
2 Apan wala sila maghunahuna nga hinumdoman nako ang tanan nilang pagkadaotan.+
Naulipon na sila sa ilang binuhatan.
Ug nakita nako kining tanan.
3 Nakapalipay sa hari ang ilang pagkadaotan,Ug nakapalipay sa mga prinsipe ang ilang pagpanglimbong.
4 Mananapaw silang tanan,Init kaayo sila, samag hurno nga gipasiga sa panadero,Nga dili na kinahanglang sugnoran human mamasa ang harina hangtod sa pagtubo niini.
5 Sa adlaw sa kapistahan sa hari, nagsakit ang mga prinsipe—Nanginit sila sa kasuko tungod sa bino.+
Ang hari nakig-uban sa mga mabiaybiayon.
6 Kay sila miduol uban ang nagsiga nga kasingkasing nga samag hurno,*Sa tibuok gabii ang panadero natulog;Sa buntag ang hurno nagdilaab nga samag kalayo.
7 Silang tanan init kaayo samag hurno,Ug gilamoy nila ang ilang mga magmamando.*
Nangapukan ang tanan nilang hari;+Walay usa kanila nga misangpit kanako.+
8 Ang Epraim miipon sa kanasoran.+
Ang Epraim nahisamag lingin nga tinapay nga pikas bahin ray naluto.
9 Gilamoy sa mga estranyo ang iyang kusog,+ apan wala siya mahibalo.
Giuban na ang iyang buhok, apan wala siya kamatikod.
10 Ang garbo sa Israel nagpamatuod batok sa iyang kaugalingon,+Apan wala sila mobalik kang Jehova nga ilang Diyos,+Ug wala sila mangita kaniya bisan pa niining tanan.
11 Ang Epraim nahisamag hungog nga salampati, nga dili maayog panghunahuna.*+
Sila mitawag sa Ehipto;+ sila miadto sa Asirya.+
12 Bisag asa sila moadto, iladlad nako kanila ang akong pukot.
Itagak nako sila samag mga langgam sa kalangitan.
Disiplinahon nako sila sumala sa akong gipasidaan kanila.+
13 Alaot sila, kay mipalayo sila kanako!
Mangalaglag sila, kay nakasala sila kanako!
Tubson na unta nako sila, apan nagsulti silag bakak batok kanako.+
14 Dili kinasingkasing ang ilang pagpakitabang kanako,+Bisan pag mitiyabaw sila diha sa ilang mga higdaanan.
Gisamadsamaran nila ang ilang kaugalingon sa paghangyog lugas ug bag-ong bino;Sila misukol kanako.
15 Bisag gibansay nako sila ug gipalig-on ang ilang mga bukton,Sila batok gihapon kanako ug nagplanog daotan.
16 Sila miliso sa laing dalan, apan dili ngadto sa mas hataas;*Sama silag luag nga pana nga dili kasaligan.+
Ang ilang mga prinsipe mangamatay pinaagig espada tungod sa ilang rebelyosong mga dila.
Mao nga sila bugalbugalan didto sa Ehipto.”+
