Jeremaea 46:1-28
46 Hemia tok blong Jehova we hem i givim long profet ya Jeremaea, long saed blong ol nesen:+
2 Hemia tok we i go long Ijip,+ long saed blong ol ami blong Fero Neko+ king blong Ijip, we i stap long saed blong Yufretes Reva mo we King Nebukadnesa* blong Babilon i bin winim hem long Kakemis, long namba 4 yia blong Jehoeakim+ boe blong Josaea, king blong Juda, i se:
3 “Yufala i mekemrere ol smol sil ya bakla* mo ol bigfala sil blong yufala,Mo yufala i go blong faet.
4 Yufala ol man blong ron long hos, yufala i mekemrere ol hos mo yufala i sidaon long olgeta.
Yufala i stanap rere long ol ples blong yufala mo yufala i werem ol helmet blong yufala.
Yufala i saenemgud ol spia blong yufala mo yufala i werem ol klos blong blokem ara.
5 ‘?From wanem mi luk we fraet i kilim nogud olgeta?Oli stap ron i gobak, yes ol strong man blong faet blong olgeta oli smas nogud.
Oli panik nao oli ronwe, yes ol strong man blong faet blong olgeta oli no tanemraon nating.
Fraet i stap long evri ples,’ hemia nao tok blong Jehova.
6 ‘Olgeta we oli ron spid oli no save ronwe, mo ol strong man blong faet oli no save ronwe.
Oli stambol mo oli foldaonLong saed blong Yufretes Reva long not.’+
7 ?Hu ya i stap kam antap olsem Nael Reva,Olsem ol reva we oli ron strong?
8 Ijip i stap kam antap olsem Nael Reva,+Olsem ol reva we oli stap ron strong,Mo i talem se: ‘Bambae mi go antap mo mi kavremap wol.
Bambae mi distroem taon mo olgeta we oli laef long hem.’
9 !Ol hos, yufala i go antap!!Ol jariot, yufala i ron we yufala i spid krangke!I gud ol strong man blong faet oli go,Hemia Kus mo Put, we tufala i stap holem sil,+Mo Ludim+ we i stap holem mo i stap benem bonara.*+
10 “Dei ya i blong Hae Masta, Jehova komanda blong ol ami, hemia dei blong givimbak, yes blong givimbak long ol enemi blong hem. Mo naef blong faet bambae i kakae mo i harem gud mo i fulap long blad blong olgeta, from Hae Masta, Jehova komanda blong ol ami, i mekem sakrefaes* long kantri ya long not, long saed blong Yufretes Reva.+
11 O dota blong Ijip we yu no save man yet,Yu go antap long Gilead blong tekem sam balsam.+
Yu stap mekem ol meresin blong yu oli kam plante moa, be blong nating nomo,From i no gat wan samting i save mekem yu yu kam gud.+
12 Ol nesen oli harem nius we yu sem bigwan,+Mo ol man long olgeta ples oli harem yu stap krae.
From ol strong man blong faet oli stap stambol long ol narafala strong man blong faet,Mo olgeta evriwan oli foldaon wantaem.”
13 Hemia tok we Jehova i talem long profet ya Jeremaea, blong tokbaot King Nebukadnesa* blong Babilon we bambae i kam blong spolem kantri ya Ijip.+ Hem i se:
14 “Yufala i talemaot long Ijip, yufala i talemaot long Migdol.+
Yufala i talemaot long Nof* mo long Tafanes.+
Yufala i se: ‘Yufala i stanap long ol ples blong yufala mo yufala i rere,From wan naef blong faet bambae i kakae evri samting raonabaot long yufala.
15 ?From wanem ol strong man blong yufala oli lus evriwan?Oli no moa stanap i stap long ples blong olgeta,From Jehova i pusum olgeta i godaon finis.
16 Plante long olgeta oli stap stambol, oli stap foldaon.
Oli stap taltalem long olgeta se:“!Yu girap! I gud yumi gobak long ol man ples blong yumi mo long hom graon blong yumiFrom naef blong faet ya we i nogud we i nogud.”’
17 Oli talemaot ol tok ya longwe se:‘Fero king blong Ijip i stap bigmaot blong nating nomoHem i letem janis* we hem i gat i pas i go.’+
18 King ya we nem blong hem Jehova komanda blong ol ami, hem i talem se: ‘Long nem blong mi we mi laef i stap,Bambae hem* i kam long ples ya olsem Taboro+ long medel blong ol bigfala hilMo olsem Kamel+ klosap long solwota.
19 O dota we yu stap long Ijip,Yu rerem olting blong yu, blong yu go long narafala kantri.
From Nof* bambae i kam olsem wan samting blong fraet.
Bambae oli putum faea long hem* mo bambae oli lego i stap we i no gat man i laef long hem.+
20 Ijip i olsem wan yang woman buluk we i luk naes,Be ol flae we oli stap stikim man, bambae oli aot long not i kam, oli agensem hem.
21 Ol soldia blong hem tu we oli kam wok blong hem, oli olsem ol smol buluk we oli fatfat gud,Be olgeta tu oli tanemraon mo olgeta evriwan oli ronwe.
Oli no save stanap i stap long ples blong olgeta,+From dei blong disasta blong olgeta i kasem olgeta finis,Hemia taem blong olgeta blong kasem panis.’
22 ‘Noes blong hem i olsem noes blong snek we i stap ronwe,From taem oli kam from hem, oli kam wetem ful paoa mo wetem akis,Olsem ol man we oli stap katemdaon ol tri.*
23 Bambae oli katemdaon dakbus blong hem,’ hemia nao tok blong Jehova, ‘nating we i luk olsem se man i no save gotru long hem.
From oli plante moa i bitim ol lokis, i no gat man i save kaontem olgeta.
24 Bambae ol man oli mekem dota blong Ijip i sem.
Bambae oli putum hem long han blong ol man long not.’+
25 “Jehova komanda blong ol ami, we i God blong Isrel i talem se: ‘Naoia mi stap lukluk Amon+ long No,*+ mo mi stap lukluk Fero, Ijip, ol god blong hem,+ mo ol king blong hem, yes, Fero mo olgeta we oli stap trastem hem.’+
26 “‘Mo bambae mi putum olgeta long han blong olgeta we oli stap lukaot rod blong tekemaot laef* blong olgeta, yes long King Nebukadnesa* blong Babilon+ mo ol man blong wok blong hem. Be biaen bambae ol man oli go laef long hem bakegen olsem bifo’ hemia nao tok blong Jehova.+
27 ‘Be yu, man blong wok blong mi Jekob, yu no mas fraet,Isrel, yu no mas seksek.+
From bambae mi tekemaot yu long wan ples longwe, mi sevem yuMo mi sevem ol pikinini* blong yu, long kantri ya we oli kalabus long hem.+
Jekob bambae i kambak mo i stap gud mo i stap long pis,Mo i no gat man i save mekem olgeta oli fraet.+
28 Taswe, man blong wok blong mi Jekob, yu no mas fraet,’ hemia nao tok blong Jehova, ‘from we mi mi stap wetem yu.
Bambae mi flatemgud olgeta man long ol nesen we mi bin ronem yufala i go stap wanwan long olgeta,+Be yu, bambae mi no spolem yu.+
Bambae mi stretem yu go kasem mak we i stret long yu,+Be bambae mi no lego yu yu stap we yu no kasem panis.’”
Ol futnot
^ PT: “Nebukadresa,” narafala rod blong spelem.
^ Smol sil ya, plante taem ol man blong sut long bonara oli stap karem.
^ PT: “stanap long bonara blong fasem.”
^ NT: “i kilim ol man olsem ol animol blong mekem sakrefaes long olgeta.”
^ PT: “Nebukadresa,” narafala rod blong spelem.
^ NT: “Memfis.”
^ PT: “stret taem.”
^ Hemia man we bambae i winim Ijip.
^ NT: “Memfis.”
^ MNT: “Bambae i kam wan ples we i nogud.”
^ NT: “we oli stap hivimap ol wud.”
^ Hemia Tebes.
^ NT: “lukaotem sol.”
^ PT: “Nebukadresa,” narafala rod blong spelem.
^ PT: “sid.”
