Jeremaea 18:1-23

  • Klei long han blong man blong wokem graonpot (1-12)

  • Jehova i tanem baksaed blong hem long Isrel (13-17)

  • Plan agensem Jeremaea; samting we hem i askem (18-23)

18  Hemia tok we Jeremaea i kasem long Jehova, i se:  “Yu girap mo yu godaon long haos blong man blong wokem graonpot,+ mo long ples ya bambae mi mekem yu yu harem ol tok blong mi.”  Nao mi godaon long haos blong man blong wokem graonpot, mo hem i stap wok long ol wil blong wokem graonpot.  Be pot we man blong wokem graonpot i stap mekem long klei, i kam nogud long han blong hem. Taswe man blong wokem graonpot i wokem bakegen i kam wan narafala pot, we i stret long lukluk blong hem.*  Biaen tok blong Jehova i kamtru long mi, se:  “Jehova i talem se: ‘Ol man Isrel, ?yufala i no ting se mi save mekem sem samting long yufala, olsem man ya blong wokem graonpot i mekem? !Ol man Isrel, yufala luk! Yufala i stap long han blong mi, olsem klei long han blong man blong wokem graonpot.+  Enitaem we mi tokbaot blong rutumaot mo pulumdaon mo distroem wan nesen no wan kingdom,+  mo nesen ya i lego ol rabis fasin blong hem we mi stap tok agensem, bambae mi tu mi jenisim tingting we mi gat fastaem blong mekem trabol* i kasem hem.+  Be enitaem we mi tokbaot blong bildimap mo stanemap* wan nesen no wan kingdom, 10  mo hem i mekem samting we i nogud long ae blong mi, mo i no obei long voes blong mi, bambae mi jenisim tingting we mi gat fastaem se bambae mi* mekem i gud long hem.’ 11  “Naoia plis, yu talem long ol man Juda mo long ol man we oli laef long Jerusalem se: ‘Hemia samting we Jehova i talem, i se: “Naoia mi stap mekemrere* wan trabol mo mi stap wokem wan plan agensem yufala. Plis yufala i tanem baksaed long ol nogud fasin blong yufala, mo yufala i jenisim ol fasin blong yufala mo ol wok blong yufala.”’”+ 12  Be oli talem se: “!A, westem taem nomo!+ From bambae mifala i wokbaot folem prapa tingting blong mifala, mo wanwan long mifala bambae i mekem stronghed, i mekem samting folem hat blong hem we i rabis.”+ 13  Taswe, hemia samting we Jehova i talem, i se:“Plis, yufala i go long ol nesen, yufala i askem long olgeta. ?Hu i harem wan samting olsem finis?Gel Isrel we i no save man yet, i mekem wan samting we i nogud olgeta.+ 14  ?Sno blong Lebanon i lus long ol ston ya we oli stap long saed saed blong hem??Mo kolwota we i stap ron longwe i kam, bambae i drae? 15  Be ol man blong mi oli fogetem mi finis.+ From oli stap mekem ol sakrefaes* long wan samting we i nating nomo,+Mo oli mekem ol man oli stambol long ol rod blong olgeta, hemia ol rod blong bifo,+Blong mekem olgeta oli wokbaot long ol rod long bus, we oli no smut mo oli no level,* 16  Blong mekem se kantri blong olgeta i kam wan samting we man i fraet long hem+Mo wan samting we man i stap wesil from olwe.+ Ol las man we oli pas long ples ya, bambae oli stap lukluk we oli fraet tumas mo oli saksakem hed blong olgeta from.+ 17  Bambae mi mekem olsem iswin, bambae mi mekem olgeta oli go wanwan stret long fes blong ol enemi,Long dei we disasta i kasem olgeta, bambae mi soem baksaed blong mi long olgeta, i no fes blong mi.”+ 18  Mo oli talem se: “Yufala i kam, i gud yumi mekem wan plan agensem Jeremaea,+ from we ol pris blong yumi oli no mas lego loa,* mo ol waes man oli no mas stop blong givim advaes mo ol profet oli no mas stop blong talemaot ol tok. Yufala i kam, i gud yumi tok agensem hem* mo yumi no lesin long wanem we hem i stap talem.” 19  O Jehova, yu lukluk i kam long mi,Mo yu lesin long ol tok we ol enemi blong mi oli stap talem. 20  ?I stret we man i mekem i nogud long man we i mekem i gud long hem?From ol man ya oli digim finis wan hol blong berem laef* blong mi.+ I gud yu tingbaot we mi bin stanap long fored blong yu blong tokbaot ol gudfala samting long saed blong olgeta,Blong mekem se kros blong yu i no kasem olgeta. 21  Taswe yu letem ol pikinini blong olgeta oli ded long hadtaem blong kasem kakae,Mo yu letem olgeta oli go long paoa blong naef blong faet.+ I gud ol waef blong olgeta oli lusum ol pikinini blong olgeta mo oli kam wido.+ I gud ol man blong olgeta oli ded long ol rabis sik,Mo ol yang man blong olgeta oli ded long naef blong faet, long taem blong faet.+ 22  I gud man i harem noes blong krae, long ol haos blong olgetaTaem yu tekem ol raskol oli kam mekem trabol long olgeta, we oli sek nomo long hem. From oli digim wan hol finis blong kasem miMo oli putum ol trap blong leg blong mi i fas long olgeta.+ 23  Be yu, O Jehova,Yu savegud evri plan we oli mekem agensem mi blong kilim mi.+ Yu no kavremap rong blong olgeta,Mo yu no mas waepemaot sin we oli mekem long fored blong yu. I gud oli stambol long fored blong yu+Taem yu kros, yu tekem aksen agensem olgeta.+

Ol futnot

PT: “we i stret long ae blong man ya blong wokem graonpot blong i mekem.”
NT: “tu mi rigret from trabol we mi plan blong mekem.”
PT: “planem.”
NT: “bambae mi rigret se mi plan blong.”
PT: “wokem.”
NT: “oli bonem sakrefaes blong mekem i smok i go.”
NT: “oli no wokem.”
NT: “ol tijing.”
PT: “yumi kilim hem wetem tang blong yumi.”
NT: “sol.”