Hosea 8:1-14

  • Oli kasem trabol from fasin blong wosipim aedol (1-14)

    • Oli saksakem win, oli havestem strong win (7)

    • Isrel i fogetem finis Man We i Mekem hem (14)

8  “!Yu putum wan hon long maot blong yu!+Wan man i stap kam olsem wan igel blong agensem haos blong Jehova,+From oli brekem kontrak blong mi+ mo oli mekem sin agensem loa blong mi.+   Oli krae i kam long mi se: ‘!God blong mifala, mifala ol man Isrel, mifala i save yu!’+   Isrel i bin sakemaot samting we i gud.+ I gud wan enemi i ronem hem.   Oli putumap ol king, be i no kamaot long tingting blong mi. Oli putumap ol prins, be mi mi no luksave olgeta. Oli mekem ol aedol long ol silva mo long ol gol blong olgeta,+Blong pulum trabol nomo i kam long olgeta.+   O Sameria, mi mi no wantem smol buluk blong yu.+ Kros blong mi i laet bigwan agensem olgeta.+ ?Wetaem bambae oli naf blong mekem se oli no moa gat fol?*   From we samting ya i kam long Isrel. Wan man blong kaving i mekem samting ya, i no God,Bambae smol buluk blong Sameria i brobrok i go long ol smosmol sap pis.   From oli stap saksakem win, i no sid,Mo bambae oli havestem strong win.+ I no gat wan stamba we kakae blong hem i rere,*+Ol samting we oli gru, oli no mekem se i gat flaoa. Be sipos samfala oli gat kakae, ol man blong narafala kantri* bambae oli solemdaon.+   Ol enemi bambae oli solemdaon Isrel.+ Nao bambae oli stap long medel blong ol nesen,+Olsem wan graonpot we man i no moa wantem.   From oli go antap finis long Asiria,+ olsem wan wael dongki we i stap hem wan. Efrem i pem ol woman blong slip wetem olgeta.+ 10  Nating se ol woman ya we oli pem olgeta, oli kamaot long ol nesen,Naoia bambae mi hivimap olgeta wanples,Bambae oli stat blong safa+ from ol hevi samting we king mo ol prins oli putum long olgeta. 11  From Efrem i mekem plante moa olta blong mekem sin.+ Oli kam ol olta blong hem blong mekem sin.+ 12  Mi raetem plante samting we i stap long loa* blong mi, blong givim long hem,Be oli luk olsem wan samting we i narakaen.+ 13  Oli givim ol presen olsem sakrefaes i kam long mi, mo oli kakae mit,Be Jehova i no glad nating long olgeta.+ Naoia bambae hem i tingbaot ol rong blong olgeta mo i panisim olgeta from ol sin blong olgeta.+ Oli tanemraon oli gobak* long Ijip.+ 14  Isrel i fogetem finis Man We i Mekem hem+ mo hem i wokem ol tempol,+Mo Juda i mekem plante moa taon we stonwol i raonem.+ Be bambae mi sanem faea i go long ol taon blong hem,Mo bambae i bonem ol taoa blong ol taon ya wanwan.”+

Ol futnot

NT: “se oli kam klin?”
NT: “wit i stanap i stap.”
NT: “ol strenja.”
NT: “tijing.”
MNT: “Bambae oli gobak.”