Hosea 14:1-9

  • Askem ol man blong kambak long Jehova (1-3)

    • Mifala i presem yu long maot blong mifala (2)

  • Hilim Isrel blong i no moa lego God (4-9)

14  “O Isrel, yu kambak long Jehova God blong yu,+From we rong blong yu i mekem yu yu stambol.   Yu kambak long Jehova wetem ol toktok olsem,Yu talem long hem se: ‘I gud yu fogivim rong blong mifala+ mo yu akseptem samting we i gud,Mo bambae mifala i yusum lips blong mifala blong presem yu,+ olsem we mifala i stap givim ofring blong ol yang bul i go long yu.*   Asiria bambae i no sevem mifala.+ Bambae mifala i no raed long ol hos,+Mo bambae mifala i no moa talem se: “!O God blong mifala!” long ol wok blong han blong mifala,From yu nao yu stap soemaot sore long ol pikinini we oli no gat papa.’+   Bambae mi hilim olgeta, blong oli no moa lego mi.+ Bambae mi lavem olgeta, long gladhat blong mi nomo,+From we mi no moa kros long hem.+   Bambae mi kam olsem wota blong naet long Isrel,Bambae hem i gat flaoa olsem liliMo ol rus blong hem bambae oli gru i godaon olsem ol tri blong Lebanon.   Ol smol branj blong hem bambae oli kam plante,Bambae hem i luk naes olsem oliftri,Mo naesfala smel blong hem bambae i smel olsem blong Lebanon.   Bambae oli laef aninit long sado blong hem bakegen. Bambae oli planem ol sid, nao bambae oli gat ol sut olsem rop blong grep.+ Haenem blong hem bambae i* olsem waen blong Lebanon.   Efrem bambae i talem se: ‘?Mi gat wanem moa bisnes wetem ol aedol?’+Bambae mi ansa long hem mo mi lukaot long hem.+ Bambae mi olsem wan junipa tri we i stap gru gud. Bambae yu faenem ol frut long mi.”   ?Hu i waes? I gud hem i kasemsave ol samting ya. ?Hu i gat hed? I gud hem save olgeta. From ol rod blong Jehova oli stret gud,+Mo ol stret man bambae oli wokbaot long hem,Be ol man blong mekem sin bambae oli stambol long hem.

Ol futnot

PT: “Nao bambae mifala i givim ofring blong ol yang bul blong lips blong mifala, i go long yu.”
PT: “Bambae oli tingbaot hem.”