Hosea 8:1-14
8 “Huypa an sungay!+
An kaaway naabot sugad hin agila kontra ha balay ni Jehova,+Kay ira gintalapas an kasabotan nga akon ginhimo+ ngan waray sunda an akon balaud.+
2 Nangangaraba hira ha akon, ‘Ikaw an amon Dios, kami, an Israel, nakilala ha imo!’+
3 Iginsalikway han Israel an maopay.+
Lanaton unta hiya han kaaway.
4 Nagpili hira hin mga hadi, pero diri pinaagi ha akon.
Nagpili hira hin mga prinsipe, pero waray ko hira kilalaha.
Pinaagi han ira silber ngan han ira bulawan naghimo hira hin mga idolo,+Para ha ira kabungkagan.+
5 Iginsalikway an imo nati nga baka, O Samaria.+
An akon kasina naglalarab kontra ha ira.+
Tubtob san-o nga diri hira makakapabilin nga inosente?*
6 Kay tikang ini ha Israel.
Eksperto nga parahimo an naghimo hito, ngan diri ito Dios;An nati nga baka han Samaria dudugmukon.
7 Kay nagsasabwag hira hin hangin,Ngan mag-aani hira hin makusog gud nga hangin.+
Waray uhay nga mabunga hin hinog nga lugas;+Anoman an tumubo diri makakahimo hin harina.
Kon may-ada man produkto, lalamuyon ito han mga dayo.*+
8 Lalamuyon an Israel.+
Yana magigin kaupod hira han mga nasud,+Pariho hin surudlan nga waray naruruyag.
9 Kay sinagka hira ngadto ha Asirya,+ pariho hin nag-uusahan nga ihalas nga asno.
An Efraim nagsuhol hin mga karelasyon.+
10 Bisan kon ginsuholan nira hira tikang ha mga nasud,Yana titirukon ko hira;Magtitikang hira pag-antos+ tungod han iginpapas-an ha ira han hadi ngan mga prinsipe.
11 Kay an Efraim nagpadamu hin halaran salit nakasala hiya.+
Nagin iya ito mga halaran para makasala.+
12 Nagsurat ako ha iya hin damu nga balaud,*Pero gintagad nira ito nga diri para ha ira.+
13 Naghahalad hira hin mga regalo ha akon, ngan ira ginkakaon an karne,Pero hi Jehova diri nalilipay hito.+
Yana mahinunumdom hiya han ira sayop ngan sisirotan hira tungod han ira mga sala.+
Binalik hira* ngadto ha Ehipto.+
14 Nahingalimot an Israel ha Iya nga naghimo ha iya+ ngan nagtukod hin mga templo,+Ngan an Juda nagpadamu hin pinader nga mga syudad.+
Pero magpapadara ako hin kalayo ngada ha iya mga syudad,Ngan uugtangon* hito an mga torre han tagsa nga syudad.”+
