Hosea 6:1-11
6 “Kadi, ngan balik kita kan Jehova,Kay iya kita ginkuniskunis,+ pero iya kita tatambalon.
Ginsamaran kita niya, pero iya bubutkon an aton mga samad.
2 Iya kita bubuhion utro paglabay hin duha ka adlaw.
Ha ikatulo ka adlaw iya kita ibabangon,Ngan mabubuhi kita ha iya atubangan.
3 Makikilala naton, mangangalimbasog gud kita nga makilala hi Jehova.
An iya paggawas sugad kasigurado han maagahon;Maabot hiya ha aton pariho hin nabunok nga uran,Pariho hin uran ha katsaringsing nga nakakahulos han tuna.”
4 “Ano an akon bubuhaton ha imo, Efraim?
Ano an akon bubuhaton ha imo, Juda?
Kay an iyo maunungon nga gugma pariho han mga dampog ha aga,Pariho han tun-og nga madagmit mawara.
5 Ito an hinungdan nga uutdon ko hira pinaagi han mga propeta;+Akon hira papatayon pinaagi han mga pulong han akon baba.+
Ngan an mga paghukom ha imo masanag sugad han kalamrag.+
6 Kay nalilipay ako ha maunungon nga gugma,* diri ha halad,Ngan ha kahibaro mahitungod ha Dios, imbes nga ha bug-os nga mga halad nga sinunog.+
7 Pero hira, sugad nga mga tawo la, waray magtuman han kasabotan.+
Waray hira magmaunungon ha akon didto ha ira tuna.
8 An Gilead usa nga bungto han mga magburuhat hin maraot,+Puno ito hin lutop* han mga tiil nga dugoon.+
9 An grupo han mga saserdote pariho hin grupo han mga tikasan nga natago para mag-ambus hin tawo.
Nanmamatay hira dida ha kalsada ha Sikem,+Kay makaarawod an ira panggawi.
10 Nakakita ako hin makangingirhat nga buhat ha panimalay ni Israel.
Didto, an Efraim nagbubuhat hin prostitusyon;+Ginhugawan han Israel an iya kalugaringon.+
11 Dugang pa, O Juda, may itinanda nga pag-ani para ha imo,Ha panahon nga tirukon ko utro an mga nabihag ha akon katawohan.”+
