Hosea 5:1-15
-
Paghukom ha Efraim ngan Juda (1-15)
5 “Pamati hini, kamo nga mga saserdote,+Paghatag hin atensyon, O panimalay ni Israel,Pamati, O panimalay han hadi,Kay an paghukom may kalabotan ha iyo;Kay lit-ag kamo ha Mizpa
Ngan pukot nga ginbitad ha bawbaw han Tabor.+
2 Ngan an mga nabulag* duro nga nahidabi ha pamatay,Ngan ginpapahamangnoan ko* hira ngatanan.
3 Kilala ko an Efraim,Ngan an Israel diri makakatago ha akon.
Kay yana, O Efraim, nagin makihilawason ka;*
An Israel naghugaw han iya kalugaringon.+
4 Tungod han ira mga paggawi diri hira nakakabalik ha ira Dios,Kay may espiritu han prostitusyon* dida ha ira;+Ngan diri nira ginkikilala hi Jehova.
5 An pagpahitaas han Israel nagtestigo kontra ha iya;*+An Israel ngan Efraim pariho nahipakdol ha ira sayop,Ngan an Juda nahipakdol kaupod nira.+
6 Kaupod an ira mga karnero ngan an ira mga baka kinadto hira basi pamilngon hi Jehova,Pero diri nira hiya nabibilngan.
Nagpahirayo hiya ha ira.+
7 Waray hira magin maunungon kan Jehova,+Kay nagkaada hira hin dayo nga mga anak.
Yana lalamuyon hira han usa ka bulan* ngan an ira mga malon.*
8 Paghuyop hin sungay+ ha Gibeah, hin trumpeta ha Rama!+
Pagsinggit hin singgit han pakiggirra ha Bet-aven+—sunod ha imo, O Benjamin!
9 O Efraim, an mga tawo mahahadlok tungod han mahitatabo ha iyo ha adlaw han pagsirot.+
Akon iginpahibaro an sigurado nga mahitatabo ha mga tribo han Israel.
10 An mga prinsipe han Juda pariho han mga nagbabalhin hin giutan.+
Ighuhuwad ko ha ira an akon kapungot pariho hin tubig.
11 An Efraim gintatalumpigos, gindudugmok han paghukom,Kay determinado hiya nga sumunod ha iya kaaway.+
12 Salit nagin sugad ako hin insekto* ha Efraim
Ngan sugad hin pagkadunot ha panimalay ni Juda.
13 Han nakita han Efraim an iya sakit, ngan nakita han Juda an iya samad,An Efraim kinadto ha Asirya+ ngan nagpasugo ngadto ha harangdon nga hadi.
Pero waray hiya makatambal ha iyo,Ngan waray niya matambal an iyo samad.
14 Kay magigin sugad ako hin bata pa nga leon ha Efraim,Ngan sugad hin makusog nga leon ha panimalay ni Juda.
Ako mismo an magkukuniskunis ngan mabaya;+Dadad-on ko hira, ngan waray bisan hin-o nga magtatalwas ha ira.+
15 Mabaya ako ngan mabalik ha akon lugar tubtob nga mag-antos hira han mga resulta han ira pagkasalaan,Ngan katapos, pamimilngon nira an akon pag-uyon.*+
Kon nagsasakit hira, mamimiling hira ha akon.”+
Mga footnote
^ O “an mga rebelde.”
^ O “didisiplinahon ko.”
^ O “nagin imoral ka; nagbuhat ka hin prostitusyon.”
^ O “imoralidad; pagin makihilawason.”
^ Lit., “ha iya nawong.”
^ O posible nga “Ha sulod hin usa ka bulan lalamuyon hira.”
^ O “mga uma.”
^ Insekto nga nangungutkot hin bado.
^ Lit., “nawong.”
