Hosea 14:1-9
14 “Balik, O Israel, ngadto kan Jehova nga imo Dios,+Kay nahipakdol ka tungod han imo sayop.
2 Balik kan Jehova pinaagi hini nga mga pulong,Siring ha iya, ‘Hinaot imo pasayloon an amon sayop+ ngan karawaton an maopay,Ngan maghahalad kami hin pagdayaw han amon mga im-im+ sugad han amon paghalad hin turilyo nga mga baka.*
3 An Asirya diri magtatalwas ha amon.+
Diri kami masakay ha mga kabayo,+Ngan diri na kami masiring, “O amon Dios!” ha hinimo han amon mga kamot,Kay tungod ha imo ginkakaloy-an an bata nga waray tatay.’+
4 Tatambalon ko an ira pagin diri matinumanon.+
Kinaburut-on nga hihigugmaon ko hira,+Kay waray na ako masina ha iya.+
5 Magigin sugad ako hin tun-og ha Israel;Mamumukad hiya pariho hin liryo
Ngan manggagamot hiya pariho hin mga kahoy han Lebanon.
6 An iya gudtiay nga mga sanga magrarampag,An iya kaanyag masusugad han kanan mga kahoy nga olibo,Ngan an iya hamot sugad han kanan Lebanon.
7 Maukoy na liwat hira ha iya lambong.*
Magpapatubo hira hin lugas ngan mananaringsing sugad hin tanom nga ubas.+
An iya kadungganan* masusugad hin bino han Lebanon.
8 An Efraim masiring, ‘Ano pa an akon labot ha mga idolo?’+
Mabaton ako ngan magbabantay ha iya.+
Masusugad ako hin marampag nga kahoy nga abeto.
Tikang ha akon mahiaagian an imo bunga.”
9 Hin-o an maaramon? Sabton niya ini nga mga butang.
Hin-o an masinabuton? Hibaroan niya ito.
Kay an mga dalan ni Jehova matadong,+Ngan an magtadong maglalakat dida hito;Pero an mga matinalapason mahipapakdol dida hito.
