Hosea 3:1-5

  • Gintubos ni Hosea an iya asawa (1-3)

  • Israel mabalik kan Jehova (4, 5)

3  Katapos, hi Jehova nagsiring ha akon: “Sige, higugmaa utro an babaye nga ginhihigugma hin iba nga lalaki ngan nag-aadulteryo,+ sugad han paghigugma ni Jehova ha katawohan han Israel+ bisan kon nadangop hira ha iba nga mga dios+ ngan naruruyag han mga karan-on nga pasas.”* 2  Salit ginpalit ko hiya hin 15 ka bug-os nga silber ngan hin usa ngan tunga ka homer* nga sebada. 3  Katapos, nagsiring ako ha iya: “Magpapabilin ka nga akon sulod hin damu ka adlaw. Ayaw pagbuhat hin prostitusyon,* ngan ayaw pakighilawas ha iba nga lalaki, ngan sugad liwat hito an akon bubuhaton ha imo.”* 4  Tungod kay ha maiha nga panahon* an katawohan han Israel mag-uukoy* nga waray hadi,+ waray prinsipe, waray halad, waray harigi, ngan waray epod+ ngan terapim nga mga rebulto.*+ 5  Katapos hito, an katawohan han Israel mabalik ngan pamimilngon nira hi Jehova nga ira Dios+ ngan hi David nga ira hadi,+ ngan nangungurog nga madaop hira kan Jehova basi makarawat an iya pagkamaopay ha ultimo nga bahin han mga adlaw.+

Mga footnote

^ Karuyag sidngon, an mga gin-gagamit ha buwa nga pagsingba.
^ An usa ka homer katugbang han 220 L. Kitaa an Ap. B14.
^ O “pagbuhat hin imoralidad (pagin makihilawason).”
^ O “ngan diri ako makikighilawas ha imo.”
^ O “mga dios han panimalay; mga idolo.”
^ Ha iba nga lugar, “maistar.”
^ Lit., “damu nga adlaw.”

Copyright hini nga publikasyon