Hosea 7:1-16
7 “Ha panahon nga gintatambal ko an Israel,Naibubuhayhag liwat an sayop han Efraim,+Ngan an karaotan han Samaria.+
Kay nagbubuhat hira hin panlimbong;+An mga kawatan nan-guguba basi makasulod ngan an mga grupo han mga tikasan naatake ha gawas.+
2 Pero diri hira nasiring ha ira kasingkasing nga akon hinunumdoman an ngatanan nira nga karaotan.+
Yana aada ha palibot nira an ira mga ginbubuhat;Aada ito ha akon mismo atubangan.
3 Ira ginpaparayhak an hadi pinaagi han ira karaotan,Ngan an mga prinsipe pinaagi han ira panlimbong.
4 Hira ngatanan nag-aadulteryo,Naglalaga pariho hin pugon nga ginpalaga han panadero,Nga naundang ha pagpasiga han kalayo katapos han pagmasa tubtob nga tumubo an minasa.
5 Ha adlaw han aton hadi, an mga prinsipe nagkasakit
—Nasina hira hinduro tungod han bino.+
Igin-unat han hadi an iya kamot ngadto ha mga paratamay.
6 Kay nahirani hira nga an ira kasingkasing naglalaga pariho hin pugon.*
Ha bug-os nga gab-i nagkikinaturog an panadero;Ha aga naglalarab an hudno pariho hin naglalaga nga kalayo.
7 Hira ngatanan mapaso pariho hin hudno,Ngan ginlalamoy nira an ira mga magmarando.*
An ngatanan nira nga hadi nagkapipirde;+Waray bisan usa ha ira nga natawag ha akon.+
8 An Efraim nakikig-upod ha mga nasud.+
An Efraim pariho hin tinapay nga malidong nga waray balikara.
9 Gin-ubos han mga estranghero an iya kusog,+ pero waray niya ito mahibaroi.
Ngan an iya mga buhok nagbusag, pero waray niya ito maobserbari.
10 An pagpahitaas han Israel nagtestigo kontra ha iya,+Pero waray hira bumalik kan Jehova nga ira Dios,+Waray liwat nira hiya pamilnga bisan pa hini ngatanan.
11 An Efraim pariho hin sarapati nga madali tumoo, waray maopay nga panhunahuna.*+
Natawag hira ha Ehipto;+ napakadto hira ha Asirya.+
12 Bisan diin hira kumadto, bibitaron ko an akon pukot ha ira.
Pahihinaboon ko nga mahulog hira pariho hin mga tamsi ha langit.
Didisiplinahon ko hira uyon ha iginpahamangno ha ira komunidad.+
13 Kairo nira, kay pinalagiw hira tikang ha akon!
Kabungkagan para ha ira, kay nagtalapas hira ha akon!
Tutubson ko na unta hira, pero nagyakan hira hin mga buwa mahitungod ha akon.+
14 Ha ira kasingkasing waray hira mangaro hin bulig ha akon,+Bisan kon nagnginginuyngoy hira ha ira mga higdaan.
Tungod han ira mga lugas ngan bag-o nga bino ginsasamad nira an ira kalugaringon;Nagrirebelde hira ha akon.
15 Bisan kon gindisiplina ko hira ngan ginparig-on an ira mga butkon,Nakontra hira ha akon, nagpaplano hira hin maraot.
16 Naghimo hira hin pagbag-o, pero diri para ha mas hitaas;*
Diri hira masasarigan pariho hin bawog nga diri hugot.+
An ira mga prinsipe magkakamatay pinaagi han espada tungod han ira mapahitas-on nga dila.
Tungod hini tatamayon hira ha tuna han Ehipto.”+
