Ezra 10:1-44
10 Samtang hi Ezra nag-aampo+ ngan nagsusumat hito nga mga sala, nga nagtitinangis ngan nahapa ha atubangan han balay han tinuod nga Dios, usa nga daku nga grupo han kalalakin-an, kababayin-an, ngan kabataan han Israel an nagtirirok ha palibot niya, kay duro an panangis han katawohan.
2 Katapos, hi Secanias nga anak nga lalaki ni Jehiel+ nga tikang ha mga anak nga lalaki ni Elam+ nagsiring kan Ezra: “Nagin diri kami matinumanon ha amon Dios kay nag-asawa kami* hin mga babaye nga tikang ha mga katawohan han katunaan.+ Bisan pa hini, may paglaom pa gihapon para ha Israel.
3 Yana paghimo kita hin kasabotan ha aton Dios+ nga paiwason an ngatanan nga asawa ngan an ira mga anak, uyon ha instruksyon ni Jehova ngan han mga may hilarom nga respeto* ha sugo han aton Dios.+ Gios kita uyon ha Balaud.
4 Buhát, kay responsabilidad mo ini nga butang, ngan kaupod mo kami. Magmaisugon ka ngan buhata ini.”
5 Salit hi Ezra binuhát ngan ginpasumpa an mga nangunguna han mga saserdote, han mga Levita, ngan han bug-os nga Israel nga buhaton kon ano an ginsiring.+ Salit nanumpa hira.
6 Yana hi Ezra binuhát tikang ha atubangan han balay han tinuod nga Dios ngan kinadto ha kwarto* ni Jehohanan nga anak nga lalaki ni Eliasib. Bisan kon kinadto hiya didto, waray hiya kumaon hin pagkaon ngan uminom hin tubig, kay nabibido hiya tungod han pagkadiri-matinumanon han nadistyero nga katawohan.+
7 Katapos, nanawagan hira ha bug-os nga Juda ngan Jerusalem nga an ngatanan nga distyero hadto magtirirok ha Jerusalem;
8 ngan sumala ha desisyon han mga prinsipe ngan han mga tigurang, kukompiskaron* an ngatanan nga panag-iya han bisan hin-o nga diri kumadto antes matapos an tulo ka adlaw ngan paiiwason hiya tikang ha kongregasyon han nadistyero nga katawohan.+
9 Salit an ngatanan nga kalalakin-an han Juda ngan han Benjamin nagtirirok ha Jerusalem antes matapos an tulo ka adlaw, karuyag sidngon, ha ikasiyam ka bulan, ha ika-20 ka adlaw han bulan. An ngatanan nga katawohan nangangalingkod ha usa nga bungsaran han balay han tinuod nga Dios, ngan nangungurog hira tungod hini nga butang ngan tungod han makusog nga uran.
10 Katapos, hi Ezra nga saserdote binuhát ngan nagsiring ha ira: “Nagin diri kamo matinumanon kay nag-asawa kamo hin mga babaye nga taga-iba nga nasud,+ salit gindugangan niyo an pagin salaan han Israel.
11 Yana isumat niyo an iyo mga sala kan Jehova nga Dios han iyo mga kaapoy-apoyan ngan buhata an iya kaburut-on. Bulag kamo tikang ha mga katawohan han katunaan ngan tikang hini nga mga asawa nga taga-iba nga nasud.”+
12 An bug-os nga kongregasyon binaton ha daku nga tingog: “Obligasyon namon nga buhaton kon ano gud an imo ginsiring.
13 Kondi damu an katawohan, ngan mauran hini nga panahon. Diri kami makakapabilin ha gawas, ngan diri igo an usa o duha la ka adlaw para hini nga butang, kay duro gud an amon pagrebelde may kalabotan hini nga butang.
14 Salit alayon tuguti an aton mga prinsipe nga magrepresentar ha bug-os nga kongregasyon;+ ngan tuguti an ngatanan nga aadto ha aton mga syudad nga nag-asawa hin mga babaye nga taga-iba nga nasud nga kumanhi ha itinanda nga panahon, upod han mga tigurang ngan mga hukom han tagsa nga syudad, tubtob nga mawara tikang ha aton an naglalaga nga kasina han aton Dios may kalabotan hini nga butang.”
15 Kondi hi Jonathan nga anak nga lalaki ni Asahel ngan hi Jazeias nga anak nga lalaki ni Tikva kinontra hini, ngan an mga Levita nga hira Mesulam ngan Sabetai+ sinuporta ha ira.
16 Kondi ginbuhat han mga distyero hadto an ginkauruyonan; ngan hi Ezra nga saserdote ngan an mga ulo han ira mga panimalay,* nga an ngatanan iginlista sumala ha ira ngaran, binulag ngan nagkatirok ha siyahan nga adlaw han ikanapulo ka bulan basi usisahon ini nga butang;
17 ngan han siyahan nga adlaw han siyahan nga bulan natapos nira an pag-usisa ha ngatanan nga lalaki nga nag-asawa hin mga babaye nga taga-iba nga nasud.
18 Ngan nadiskobrehan nga an pipira han mga anak nga lalaki han mga saserdote nag-asawa hin mga babaye nga taga-iba nga nasud:+ ha mga anak ni Jesua+ nga anak nga lalaki ni Jehozadak ngan han iya kabugtoan, hira Maaseias, Eliezer, Jarib, ngan Gedalias.
19 Kondi nagsaad hira* nga ira paiiwason an ira mga asawa, ngan tungod kay nakasala hira, maghahalad hira hin karnero nga lalakí tikang ha panon tungod ha ira pagin salaan.+
20 Ha mga anak ni Imer:+ hira Hanani ngan Zebadias;
21 ngan ha mga anak ni Harim,+ hira Maaseias, Elias, Semaias, Jehiel, ngan Uzias;
22 ngan ha mga anak ni Pasur,+ hira Elioenai, Maaseias, Ismael, Netanel, Jozabad, ngan Eleasa.
23 Ngan ha mga Levita: hira Jozabad, Simei, Kelaias (karuyag sidngon, hi Kelita), Petahias, Juda, ngan Eliezer;
24 ngan ha mga parakanta, hi Eliasib; ngan ha mga parabantay han ganghaan: hira Salum, Telem, ngan Uri.
25 Ngan ha Israel, ha mga anak ni Paros,+ hira Ramias, Izias, Malkias, Mijamin, Eleazar, Malkias, ngan Benaias;
26 ngan ha mga anak ni Elam,+ hira Matanias, Zacarias, Jehiel,+ Abdi, Jeremot, ngan Elias;
27 ngan ha mga anak ni Zatu,+ hira Elioenai, Eliasib, Matanias, Jeremot, Zabad, ngan Aziza;
28 ngan ha mga anak ni Bebai,+ hira Jehohanan, Hananias, Zabai, ngan Atlai;
29 ngan ha mga anak ni Bani, hira Mesulam, Maluc, Adaia, Jasub, Seal, ngan Jeremot;
30 ngan ha mga anak ni Pahat-moab,+ hira Adna, Kelal, Benaias, Maaseias, Matanias, Bezalel, Binui, ngan Manases;
31 ngan ha mga anak ni Harim,+ hira Eliezer, Isias, Malkias,+ Semaias, Shimeon,
32 Benjamin, Maluc, ngan Semarias;
33 ha mga anak ni Hasum,+ hira Matenai, Matatah, Zabad, Elifelet, Jeremai, Manases, ngan Simei;
34 ha mga anak ni Bani, hira Maadai, Amram, Uel,
35 Benaias, Bedias, Keluhi,
36 Vanias, Meremot, Eliasib,
37 Matanias, Matenai, ngan Jaasu;
38 ngan ha mga anak ni Binui, hira Simei,
39 Selemias, Nathan, Adaia,
40 Macnadebai, Sasai, Sharai,
41 Azarel, Selemias, Semarias,
42 Salum, Amarias, ngan Jose;
43 ngan ha mga anak ni Nebo, hira Jeiel, Matitias, Zabad, Zebina, Jadai, Joel, ngan Benaias.
44 Hira ngatanan nagkuha hin mga asawa nga taga-iba nga nasud,+ ngan ira ginpaiwas an ira mga asawa, upod an ira mga anak.+
