Jerimaya 5:1-31
5 Yan nene irhuvwun ri Jerusalẹm.
No riariẹ rere wo vwo oniso.
Hiẹ ọsuorere rọyen rere wọ mrẹSẹ wọ sa mrẹ ohwo ọvo ro ruẹ obo re dia ọsoso,Ohwo ọvo rọ guọnọ dia ohwo rọ fuevun,Ki mi che vwo ghovwo.
2 Ọ da tobọ dianẹ ayen tanẹ: “Rẹ Jihova vwọ herọ na!”
Ayen ji che duvwun iyorin phiyọ obo re dia efian.
3 E Jihova, ọ dia ihwo re fuevun yen wọ guọnọ?
Wo gboja kẹ ayen, ẹkẹvuọvo ayen nyoro vwẹ omaa.*
Wo dino ghwọrọ ayen karekare, ẹkẹvuọvo ayen rhọnvwe rhiabọreyọ ọghwọkuu.
Ayen ru udu* rayen gangan vwọ vrẹ oragha,Ayen rhọnvwe kuomarhẹriẹẹ.
4 Ẹkẹvuọvo me da ta kẹ oma mẹ: “Vwọrẹ uyota, enana ihwo ri fiemu vuọvoo.
Ayen dje uruemu rẹ ẹkpa phia, kidie ayen riẹn idjerhe ri Jihovaa,Ayen je riẹn ẹdjọeguo rẹ Ọghẹnẹ rayeen.
5 Mi che bru eshare ri titiri na ra ji nene ayen ta ota,Kidie o muẹro nẹ ayen riẹn idjerhe ri Jihova,Ayen je riẹn ẹdjọeguo rẹ Ọghẹnẹ rayen.
Ẹkẹvuọvo ayen eje vwirhin urhekpe naJi vwrẹ ifi na.”
6 Kọyensorọ okpohrokpo rẹ egbo na vwọ họrhọ ro ayen,Iwofu* rẹ aton na vwọ ghwọrọ ayen,Ubido vwọ hwa phiyọ hẹrhẹ ayen vwẹ irere rayen.
Kohwo kohwo ro vrẹn no, a va chẹghẹchẹghẹ.
Kidie urhiẹchọ rayen pha buebun;Iruemu ri jẹ evun ẹfuọn rayen je pha buebun.
7 Mavọ me sa vwọ reyọ ọnana vwo ghovwo uwe?
Emọ wẹn kpairoro vrẹ vwẹ,Ayen reyọ eghẹnẹ refian vwo duvwun iyorin.
Mi ru ọdavwẹ rayen kẹ ayen,Ẹkẹvuọvo ayen ji gbe igberadja,Ayen je ghwiẹ kpo uwevwin rẹ igberadja.
8 Ayen pha kerẹ iyesi ri vwo urhurusivwe ehware ọgangan,Ayen ọvuọvo ghwẹ nene aye rẹ ọrivẹ rọyen.
9 “Kẹ o rhe fo nẹ me nọ ayen orhiẹn kpahen erọnvwọn nana?” ọtiọyen Jihova tare.
“O rhe fo nẹ me* reihri kẹ oma mẹ vwọ kpahen ẹgborho tiọyena?”
10 “Ro ogba rẹ ivaini rọyen rere wọ ghwọrọ,Ẹkẹvuọvo wọ ghwọrọ karekaree,
Kpanre eghọn rọyen re tan cha no,Kidie ayen dia i ri Jihovaa.
11 Kidie uwevwin rẹ Izrẹl kugbe uwevwin ri JudaNene uvwe yerin vwọrẹ ophiẹnvwe,” ọtiọyen Jihova tare.
12 “Ayen sen Jihova, kẹ ayen tanẹ,‘O che ru emu vuọvoo.*
Okpetu vuọvo che te avwanre omaa;Avwanre cha mrẹ ọlọkọ yẹrẹ owẹnvwee.’
13 Emraro na ta eta ifefe,Ota rẹ Ọghẹnẹ hẹ ubiudu rayeen.
E jẹ ọnana phia kẹ ayen!”
14 Ọtiọyena ọnana yen oborẹ Jihova Ọghẹnẹ rẹ otuofovwin na tare:
“Kidie nẹ eshare nana ta eta yena na,Mi che ru eta mẹ rehẹ unu wẹn phiyọ erhanre,Ihwo nana ke cha dia urhe,Kọ cha torhẹ ayen.”
15 “Nighere, me reyọ ẹgborho ọvo nẹ asan oshesheri bru we cha, E uwevwin rẹ Izrẹl,” ọtiọyen Jihova tare.
“Ẹgborho rọ herọ ọke grongron re.
Ẹgborho rẹ awanre.Ẹgborho ru wọ riẹn ephẹrẹ* rọyeen,Ru wo ji che se vwo ẹruọ rẹ ota rọyeen.
16 Ekpu rẹ edada rayen pha kerẹ ushi ro rhiephiyọ;Ayen eje egba ofovwin.
17 Ayen che vun orhọ rẹ ovwan je re emu rẹ ovwan.
Ayen cha teyen emeshare vẹ emetẹ rẹ ovwan hwe.
Ayen che hwe ichuru vẹ erhuẹn rẹ ovwan.
Ayen cha re ivaini vẹ ifigi rẹ ovwan.
Ayen cha vwẹ ọlọkọ vwọ ghwọrọ irere rẹ ovwan ra gbogba riariẹ rẹ ovwan vwẹroso na.”
18 “Ẹkẹvuọvo vwẹ ọke yena dede, me cha ghwọrọ owẹ karekaree,” ọtiọyen Jihova tare.
19 “Ayen da nọ nẹ, ‘Diesorọ Jihova Ọghẹnẹ avwanre vwo ru avwanre emu nana eje?’ wọ me kpahen kẹ ayen nẹ, ‘Kirobo rẹ ovwan kpairoro vrẹ vwẹ Ọghẹnẹ rẹ ovwan ra ga ọghẹnẹ ọrhorha vwẹ otọ rẹ ovwan na, ọtiọyen ovwan je cha ga erhorha vwẹ otọ rọ dia ọ rẹ ovwaan.’”
20 Ghwoghwo ọnana vwẹ uwevwin ri Jekọp,Wo mi ji ghwoghwo vwẹ Juda nẹ,
21 “Nyo ọnana, ovwan ẹkpa ri jẹ ọhọ evwo na:*
Ayen vwo ẹro ẹkẹvuọvo ayen mrorẹẹ;Ayen vwo erhọ ẹkẹvuọvo ayen nyẹmee.
22 ‘Ovwan djoshọ mẹ?’ ọtiọyen Jihova tare,‘Ofori nẹ ovwan phariẹ vwẹ obaro mẹ?
Mẹvwẹ yen vwẹ ekpẹn na vwo ru ughwru kẹ abadi na,Iji ri bẹdẹ rẹ abadi na cha sa shariẹẹ.
Dede nẹ ọgbogho rọyen họnra, ayen cha sa wanvrẹẹ;Dede nẹ ayen do, ayen je cha sa wan ughwru na vrẹẹ.
23 Ẹkẹvuọvo ihwo nana vwo udu ọgangan ro ji gbe vwọsua;Ayen kuomarhẹriẹ, ayen de nene idjerhe robọ rayen.
24 Ayen sa ta vwevunrẹ ubiudu rayeen nẹ:
“E jẹ avwanre djoshọ ri Jihova Ọghẹnẹ avwanre asaọkiephana,Ohwo rọ nẹrhẹ osio rhọ vwẹ ọke rọyen,Osio rẹsosuọ kugbe ọ rọ koba,Ohwo rọ nẹrhẹ avwanre se vuẹn orhọ vwẹ idughwrẹn re bruphiyọ.”
25 Oruchọ rẹ ovwan nẹrhẹ erere nana jẹ ovwan obọ ete;Umwemwu rẹ ovwan nẹrhẹ emu esiri jẹ ovwan obọ ete.
26 Kidie ihwo umwemwu hẹ ohri rẹ ihwo mẹ.
Ayen rha rhẹrẹ kerẹ imuephran ri rhuẹn totọ.
Ayen kpahan ufi rẹ ughwu.
Ihworakpọ yen ayen muẹ.
27 Kerẹ ikeji rọ vọnre vẹ ephran,Ọtiọyen iwevwin rayen vọnre vẹ ophiẹnvwe.
Ọyena yen sorọ ayen rhi vwo vwo ogangan ji fe.
28 Ayen rhuoma, ohọroma rayen ji lo;Ayen ruẹ imwemwu buebun.
Ayen nenesi rẹ ẹdjọ rẹ ọmọ ro jẹ ọsẹ evwoo,Rere ayen vwo phikparobọ;Ayen ji brorhiẹn ọsoso vwọ kẹ igberee.’”
29 “Kẹ o rhe fo nẹ me nọ ayen orhiẹn kpahen erọnvwọn nana?” ọtiọyen Jihova tare.
“O rhe fo nẹ me* reihri kẹ oma mẹ vwọ kpahen ẹgborho tiọyena?
30 Emu rẹ igbunu ọvo ro ji muoshọ phiare vwẹ otọ na:
31 Emraro na mraro rẹ efian,Irherẹn na vwẹ ogangan robọ rayen vwo suẹn.
O je ihwo mẹ ọtiọyen.
Ẹkẹvuọvo die yen wo che ru ọke rẹ oba na da rhe?”
