Jerimaya 22:1-30
22 Ọnana yen oborẹ Jihova tare: “Yanran kpo uwevwin* rẹ ovie ri Juda rere wo ghwoghwo ovuẹ nana.
2 Ku wọ tanẹ, ‘Nyo ota ri Jihova, E ovie ri Juda ro chidia ekete ri Devid, wẹ vẹ idibo wẹn kugbe ihwo wẹn, ihwo re wan inurhoro nana ruọ.
3 Ọnana yen oborẹ Jihova tare: “Ovwan titi orhiẹn ọsoso kugbe ophiọnphiọn. Ovwan sivwin ọ ra ghwa ria vwo nẹ obọ rẹ ohwo rọ ghwa ria na. Ovwan vwẹ oja vwọ ria ọrhorha vuọvoo, ovwan je sua omaẹwan vwọ kẹ kọmọ kọmọ ro jẹ ọsẹ evwo* yẹrẹ ayeukuu. Ovwan kuẹ ọbara rẹ ohwo vuọvo rẹ abọ rọyen fonro kuotọ vwẹ orere nanaa.
4 Kidie ọ da dianẹ ovwan jomaotọ ru nene ota nana, ọke yena ivie ri chidia ekete ri Devid kugbe idibo rayen vẹ ihwo rayen ke cha gua ekpẹrẹ vẹ iyesi wan inurhoro na ro evunrẹ uwevwin nana.”’
5 “‘Ẹkẹvuọvo ọ da dianẹ ovwan kerhọ rẹ eta nanaa, me vwẹ oma mẹ vwo duvwun iyorin nẹ uwevwin nana che hirhephiyọ asan ra ghwọrọre,’ ọtiọyen Jihova tare.
6 “Kidie ọnana yen oborẹ Jihova ta kpahen uwevwin rẹ ovie ri Juda,‘Wọ pha kerẹ Giliẹd vwọ kẹ vwẹ,Kerẹ enu rẹ ugbenu ri Lẹbanọn.
Ẹkẹvuọvo mi che ru we phiyọ aton;O vwo ọvuọvo vwẹ usun rẹ irere wẹn ra cha diaa.
7 Me cha vwẹ ihwo re ghwọrọ ihwo vwo mu vwọso owẹ,Dohwo dekuakua ofovwin rọyen.
Ayen cha gbọ irhe rẹ isida wẹn ri me yovwin sheJe nẹrhẹ ayen she teyen erhanre.
8 “‘Ẹgborho buebun cha wan orere nana vrẹ, kẹ ayen cha ta kẹ ohwohwo: “Diesorọ Jihova vwo ru orere rode nana ọtiọna?”
9 Kẹ ayen cha kpahen: “Kidie ayen kpairoro vrẹ ọphọ ri Jihova Ọghẹnẹ rayen, ayen da vwẹ uyovwin kpotọ kẹ eghẹnẹ efa je ga ayen.”’
10 Wọ viẹ fikirẹ ohwo ro ghwuruu,Wo ji vwerhe oma kẹẹ.
Ukperẹ ọtiọyen, viẹ gangan fikirẹ ohwo rọ yanran na,Kidie o rhe che rhivwin rhe rhe mrẹ otọ re de vwiẹ na ọfaa.
11 “Kidie ọnana yen oborẹ Jihova ta kpahen Shalọm* ọmọ ri Josaya, ovie ri Juda ro suẹn ukperẹ ọsẹ rọyen Josaya ro vrẹn nẹ etinẹ na yanran: ‘O che rhivwin rhe etinẹ na ọfaa.
12 O che ghwu vwẹ asan re de muo kpo ighuvwu na, ọ gbe cha mrẹ otọ nana ọfaa.’
13 Okpetu rode vwọ kẹ ohwo rọ bọn uwevwin rọyen ababọ rẹ ophiọnphiọnRọ bọn ivun rẹ obenu rọyen ababọ rẹ orhiẹn ọsoso,Rọ nẹrhẹ ọrivẹ rọyen ga kufia,Rọ rhọnvwe hwosa rọyen vwọ kẹẹ;
14 Ohwo rọ tanẹ, ‘Me cha bọn uwevwin ro vwo ivun buebunVẹ ivun rẹ obenu ri rhiephiyọ kẹ oma mẹ.
Mi che phi evakpo phiyọJe vwẹ irhe rẹ isida vwọ hwa, me me rha vwẹ ọda ọvwavware* vwọ rharọ.’
15 Wo che rhe suẹn kidie nẹ wọ reyọ irhe rẹ isida vwo ruiruo nọ ihwo efa?
Ọsẹ wẹn rere je da,Ẹkẹvuọvo o titi orhiẹn ọsoso kugbe ophiọnphiọn,O de yovwin kẹ.
16 Ọ chochọn rẹ ohwo rọ rioja vẹ ogbere vwẹ ẹdjọ rọyen,Ọtiọyena erọnvwọn de shephiyọ.
‘Ọ dia ọyena yen obo ro mudiaphiyọ ra vwọ riẹn vwẹ?’ ọtiọyen Jihova tare.
17 ‘Ẹkẹvuọvo orọnvwọn vuọvo wo mu ẹwẹn kpahen je tẹnrovi yen oborẹ wo vwo vwo erere rẹ ọghware,Oborẹ wo vwo ku ọbara rẹ ihwo rẹ abọ rayen fonro kuotọ,Kugbe oborẹ wọ vwọ ghwa ihwo re ji gborho ayen.’
18 “Ọtiọyena ọnana yen oborẹ Jihova ta kpahen Jehoyakim ọmọ ri Josaya, ovie ri Juda,‘Ayen che vweree rẹ ayen da tanẹ:
“E oniọvo mẹ ọmọshare! E oniọvo mẹ ọmọtẹ!”
Ayen che vweree rẹ ayen da tanẹ:
“E onini! E ọrho rọyen!”
19 Kirobo re ruẹ ekẹkẹtẹ ọke ro de ghwu ọtiọyen e che ruo,E che kpono nene otọ ji do kufia,Vwẹ otafe rẹ inurhoro ri Jerusalẹm.’
20 Yanran kpo Lẹbanọn rere wo kperi phia,Kpare upho wẹn kpenu vwẹ Beshan,Kperi phia vwo nẹ Abarim rhe,Kidie a ghwọrọ ihwo eje ri vwo ẹguọnọ wẹn.
21 Me ta ota kẹ wẹ ọke rẹ oma vwo fu we.
Ẹkẹvuọvo wọ da tanẹ, ‘Me cha kerhọọ.’
Ọnana uruemu wẹn nẹ ọke eghene rhe,Kidie wo ji rhi nyupho mẹẹ.
22 Odju che dju isuigodẹ wẹn eje yanran,E mi rhe mu ihwo ri vwo ẹguọnọ wẹn kpo imu.
Ọke yena oma kọ cha vo wẹ, ku wọ je cha mrẹ ophọphọvwe fikirẹ okpetu wẹn eje.
23 E wẹ rọ dia Lẹbanọn,Wẹ rẹ oma furu vwẹ ohri rẹ irhe rẹ isida na,Nighe oborẹ wọ cha guan ọke rẹ wo de rhiẹromrẹ omiamiavwe,Omiamiavwe kerẹ ọ rẹ aye rọ chuvwiẹ!”
24 “‘Re me vwọ herọ na,’ ọtiọyen Jihova tare, ‘ọ da tobọ dianẹ Konaya* ọmọ ri Jehoyakim, ovie ri Juda yen ubiosa rẹ utẹ ri mi kuphiyọ obọrhen mẹ, mi che yoro kufia vwo nẹ etiyin!
25 Mi che phi we phiyọ obọ rẹ ihwo re guọnọ arhọ* wẹn, obọ rẹ ihwo ru wọ djoshọ rọyen, obọ rẹ Ovie Nẹbukadnẹza* ri Babilọn, kugbe obọ rẹ ihwo ri Kaldia.
26 Me cha djẹ wẹ vẹ oni ro vwiẹ wẹ kpo otọ ọfa rọ dia asan re de vwiẹ wẹẹ, oboyin kọyen wo de che ghwu.
27 O rhe vwo ọke vuọvo rẹ ayen che vwo rhivwin rhe otọ rẹ urhuru rọyen siẹ ayen naa.
28 Kẹ ọshare nana Konaya ochẹ rọ guọghọre ra jẹfia,Ochẹ rẹ ohwo vuọvo guọnọree?
Diesorọ e vwo do vẹ emọ rọyen she teyen otọJe djẹ ayen kpo otọ rẹ ayen riẹnree?’
29 E akpọ,* akpọ, akpọ, nyo ota ri Jihova.
30 Ọnana yen oborẹ Jihova tare:
‘Sio phiyotọ nẹ ọshare nana vwo ọmọọ,Kerẹ ohwo ro che vwo ophikparobọ vuọvo vwẹ akpeyeren* rọyeen,Kidie o vwo ọvuọvo vwẹ usun rẹ emọ rọyen ro che phikparobọRo de chidia ekete ri Devid je rhoma sun vwẹ Judaa.’”
