Jerimaya 13:1-27
13 Ọnana yen oborẹ Jihova ta kẹ vwẹ: “Yanran rere wọ dẹ umuehun rẹ amwa kẹ oma wẹn, wọ gba phiyọ ehun wẹn, ẹkẹvuọvo wo duvwon phiyọ amee.”
2 Ọtiọyena me da dẹ umuehun na kirobo rẹ Jihova vuẹ vwẹ, me da gba phiyọ ehun mẹ.
3 Ota ri Jihova de bru vwe rhe vwẹ obọ rivẹ:
4 “Reyọ umuehun ru wọ dẹre ru wọ gba phiyọ ehun na wo vrẹn, wo kpo urhie ri Yufretis rere wo sionu vwẹ unu rẹ oragha vwẹ etiyin.”
5 Ọtiọyena me da yanran re sionu vwẹ orhoma rẹ urhie ri Yufretis kirobo rẹ Jihova ji iji rọyen kẹ vwẹ.
6 Ẹkẹvuọvo ẹdẹ buebun vwọ wan nu, Jihova da ta kẹ vwẹ: “Vrẹn rere wo kpo obo urhie ri Yufretis na, rere wọ reyọ umuehun ri mi ji iji kẹ wẹ nẹ wo sinu vwẹ etiyin na.”
7 Ọtiọyena me da yanran kpo urhie ri Yufretis, me da tọn umuehun na nẹ asan ri mi siro nu phiyọ rhe, me da mrẹ nẹ umuehun na miovwin re; e rhe che se vwo ru emuọvoo.
8 Etiyin ota ri Jihova de bru vwe rhe:
9 “Ọnana yen oborẹ Jihova tare, ‘Ọtiọyen me je cha ghwọrọ oborẹ Juda vwọ yonma kugbe oborẹ Jerusalẹm vwọ yonma mamọ na.
10 Ihwo umwemwu nana re rhọnvwe kerhọ rẹ eta mẹẹ na, ri ruẹ uyovwin gangan ruẹ nene obo rehẹ ubiudu rayen, re yan nene eghẹnẹ efa, ga ayen je vwẹ uyovwin kpotọ kẹ ayen na cha dia kerẹ umuehun nana re che se vwo ru emu vuọvoo na.’
11 ‘Kirobo rẹ umuehun tamuẹ ehun rẹ ohwo ye, ọtiọyen mi ru uwevwin rẹ Izrẹl eje kugbe uwevwin ri Juda eje vwo tinkamu uvwe,’ ọtiọyen Jihova tare, ‘rere ayen dia ihwo, odẹ, ejiro, kugbe orọnvwọn oyoyovwin kẹ vwẹ. Ẹkẹvuọvo ayen kerhọọ.’
12 “Wọ me je vuẹ ayen ovuẹ nana, ‘Ọnana yen oborẹ Jihova Ọghẹnẹ rẹ Izrẹl tare: “Ofori nẹ e ku iwaini vọn kochẹ kochẹ rode.”’ Kẹ ayen cha kpahen kẹ wẹ nẹ, ‘Avwanre rha riẹn nẹ ofori nẹ e ku iwaini vọn kochẹ kochẹ rode?’
13 Ọyena da wan nu gba ta kẹ ayen nẹ, ‘Ọnana yen oborẹ Jihova tare: “Nighere, me nẹrhẹ udi muẹ ihwo re dia otọ nana eje, ivie ri chidia ekete ri Devid, irherẹn na, emraro na, kugbe ihwo eje re dia Jerusalẹm.
14 Me cha reyọ ayen vwo dje ohwohwo, ọtiọyen mi ji che ru esẹ kugbe emọ,” ọtiọyen Jihova tare. “Mi che gbe arodọnvwẹ yẹrẹ re ehrọre rayeen; o vwo emu vuọvo rọ cha da vwẹ obọ ji mi vwo jẹ ayen ẹghwọrọọ.”’
15 Ovwan nyo rere ovwan kerhọ.
Ovwan kparomaa, kidie Jihova tarọ nure.
16 Ovwan vwẹ urinrin kẹ Jihova Ọghẹnẹ rẹ ovwanBẹsiẹ rọ ke nẹrhẹ ebri muBẹsiẹ ovwan ke kprowọ vwẹ enu rẹ ugbenu vwẹ ovwọnvwọn.
Ovwan che rhẹro rẹ elo,Ẹkẹvuọvo ọ cha nẹrhẹ ebri mu;O che hirhephiyọ ebri hwi.
17 Ovwan rha rhọnvwe kerhọọ,Me* cha viẹ vwẹ odjahọn fikirẹ omaẹkparọ rẹ ovwan,
Me cha viẹ gangan, ẹro mẹ cha djẹ ọkẹre rẹ ameoviẹ patapata,Kidie e mu igodẹ ri Jihova yanran.
18 Ta kẹ ovie kugbe oni rẹ ovie nẹ, ‘Ovwan chidia asan ro kpotọ,Kidie erhu rẹ ovie rẹ ovwan rọ pha yoyovwin na che she nẹ uyovwin rẹ ovwan.’
19 A kanre* ẹchẹ rẹ irere rẹ obọrhen ọnre na, o vwo ohwo vuọvo ro rhie ayeen.
E mu Juda eje kpo ighuvwu, e mu ayen eje kpo ighuvwu.
20 Kpare ẹro wẹn rere wọ mrẹ ihwo ri nẹ obohwẹre ọnre cha na.
Igodẹ ri vwo erhuvwu ra vwọ kẹ wẹ na rhọ?
21 Die wọ cha ta ọke rẹ ihwo ru wo nene yerinKerẹ igbeyan re ma kẹrẹ owẹ de gboja kẹ wẹ?
Evun rẹ uvwiẹ rha miavwe owẹ kirobo rọ miavwa aye rọ chuvwiẹ?
22 Ọke wọ da ta vwẹ ubiudu wẹn nẹ, ‘Diesorọ erọnvwọn nana vwọ phia kẹ vwẹ?’
Fikirẹ imwemwu buebun wẹn yen nẹrhẹ e ku ibuluku wẹn nu we oma
Ọyen je nẹrhẹ ichukowọ wẹn miavwa owẹ gangan na.
23 Ohwo ri Kush* se wene ohọroma rọyen, yẹrẹ ubido se wene ipe rọyen?
Ọ da dia ọtiọyen, kọyen owẹ re yonori obo re ruẹ umiovwo naSe ru obo ri yovwirin.
24 Ọtiọyena me cha hra ayen kerẹ ehọrọ rẹ ekankọn rẹ odju rẹ aton dju yanran.
25 Ọnana yen obo re cha phia kẹ wẹ, ọnana yen ẹkẹn re me vwọ kẹ wẹ,” ọtiọyen Jihova tare,“Kidie wọ kpairoro vrẹ vwẹ wọ da vwẹroso efian.
26 Ọtiọyena me cha kpare ibuluku wẹn kpenu vwo rhurhu opharo wẹn,Ka cha mrẹ ẹban wẹn,
27 Uruemu rẹ igberadja egbe wẹn, vẹ ekperẹ ọgangan ru wo kperẹ kerẹ iyesi rọ guọnọ brẹ ehware,Kugbe igberadja ra ghẹmrẹ wẹn.
Me mrẹ iruemu wẹn ri tuẹn ohwo oma,Vwẹ igbenu itete, vwẹ aghwa na.
Okpetu rode kẹ wẹ, E Jerusalẹm!
Brọke yen wọ cha dia ẹdia ri jẹfuọn kri te?”
