Jerimaya 47:1-7
-
Aroẹmrẹ vwọ kpahen ihwo ri Filistia (1-7)
47 Ọnana yen ota ri Jihova ro bru Jerimaya ọmraro na rhe kpahen ihwo ri Filistia tavwen Fero ki phi Gaza kparobọ.
2 Ọnana yen oborẹ Jihova tare:
“Nighere! Ame nẹ obohwẹre ọnre cha.
Ame na che hirhephiyọ oghwe rọ djẹ ọkẹre.
O che ku otọ na vẹ erọnvwọn eje rehẹ evun rọyen,Orere na kugbe ihwo re dia evun rọyen.
Eshare na che kperi phia,Kohwo kohwo rọ dia evunrẹ otọ na ko che vwerhe oma.
3 Ọke re de nyo edo rẹ ichiyotọ rẹ iyesi rọyen eshare,Edo rẹ ekpẹrẹ rẹ ofovwin rọyenKugbe edo rẹ idjugẹn rọyen,Esẹ dede che kuomarhẹriẹ ni emọ rayeen,Kidie abọ rayen pha ghwrọghọ,
4 Kidie ẹdẹ rọ cha na cha ghwọrọ ihwo ri Filistia na eje;O che bru kohwo kohwo ro chekọ ro biẹcha Taya vẹ Saidọn kufia.
Kidie Jihova cha ghwọrọ ihwo ri FilistiaRi chekọ vwẹ otọ rẹ ame riariẹ phiyọ ri Kaftọ.*
5 Gaza che hwerhe akpan.*
Ashkẹlọn fotovwin re.
E uchekotọ rẹ iyara* rayen,Brọke yen ovwan che bru era phiyọ oma rẹ ovwan kri te?
6 Ẹhẹn! Ọlọkọ ri Jihova!
Brọke yen wo che do te?
Rhivwin kpo ako wẹn.
Rovwoma ji fotovwin.
7 Mavọ yen ọ sa vwọ fọJẹ Jihova vwẹ iji vwọ kẹ?
Ashkẹlọn kugbe orhoma rẹ abadi na,Yen ọ ghare kẹ nẹ o nene họnre.”
