Jerimaya 45:1-5
-
Ovuẹ ri Jihova vwo rhe Barọk (1-5)
45 Ọnana yen ota rẹ Jerimaya ọmraro na ta kẹ Barọk ọmọ ri Neraya vwẹ ọke ro vwo si eta nana rẹ Jerimaya ta vwọ kẹ phiyọ ọbe vwẹ ukpe rẹne ri Jehoyakim ọmọ ri Josaya, ovie ri Juda:
2 “Ọnana yen oborẹ Jihova Ọghẹnẹ rẹ Izrẹl ta kpahen owẹ, Barọk,
3 ‘Wọ tare nẹ: “Okpetu rode kẹ vwẹ kidie Jihova vwẹ uvweri vwọ ba ọmiaovwẹ mẹ! Oma bru vwe ku fikirẹ irhivwẹn ri mi de, me je mrẹ asan rẹ omaerovwon vuọvoo.”’
4 “Wọ me ta kẹ nẹ, ‘Ọnana yen oborẹ Jihova tare: “Nighere! Obo re me bọn nure mi kporon totọ, obo re me kọn nure mi ghwie—vwẹ otọ na eje.
5 Ẹkẹvuọvo wọ guọnọ* erọnvwọn ride vwọ kẹ oma wẹn. Wọ rha guọnọ erọnvwọn tiọyenaa.”’
“‘Kidie me guọnọ reyọ okpetu cha enu rẹ ihwo ejobi,’ ọtiọyen Jihova tare, ‘kasan kasan wọ rare, me cha vwẹ arhọ wẹn vwọ hwosa kẹ wẹ.’”
Eta rehẹ obotọ na
^ Yẹrẹ “Ẹkẹvuọvo wo rhẹro rẹ.”
