Diane 8:1-36
8 A botlhale ga bo tlhaeletse?
A temogo ga e tsholetse lentswe la yone?+
2 Bo ema kwa mafelong a a kwa godimo+ go bapa le tsela,Bo ema mo makopanelong a ditsela.
3 Bo nna bo goela kwa godimoFa thoko ga dikgoro tse di yang kwa motseng,Kwa go tsenwang teng mo motseng, bo re:+
4 “Ke goela kwa go lona, lona batho;Ke bua le lona lotlhe.*
5 Lona ba lo se nang maitemogelo, ithuteng botlhale;+Lona dimatla, nnang le pelo e e tlhaloganyang.*
6 Reetsang, ka gonne se ke se buang se botlhokwa,Molomo wa me o bua se se siameng;
7 Gonne molomo wa me o bua boammaaruri ka lentswe le le kwa tlase,E bile o tlhoile se se bosula.
8 Sengwe le sengwe se ke se buang se siame.
Ga go na sepe se ke se buang se se sa tlhamalalang kgotsa se se sokameng.
9 Mo bathong ba ba nang le temogo, mafoko a me a tlhamaletse otlheE bile a siame mo bathong ba ba boneng kitso.
10 Tsayang kotlhao ya me mo boemong jwa selefera,Le kitso go na le gauta e e di gaisang tsotlhe,+
11 Gonne botlhale bo botoka go na le dikorale;*Dilo tse dingwe tsotlhe tse di eletsegang ga di ka ke tsa lekanngwa le jone.
12 Nna, botlhale, ke agile le temogo;Ke bone kitso le bokgoni jwa go akanya.+
13 Go boifa Jehofa go raya go tlhoa bosula.+
Ke tlhoile boikgodiso le boikgogomoso+ le tsela e e bosula le puo e e sokameng.+
14 Ke na le kgakololo e e molemo le botlhale jo bo mosola;+Tlhaloganyo+ le maatla+ ke tsa me.
15 Ka ntlha ya me, dikgosi di tswelela di busa,Le balaodibagolo ba ntsha ditaelo ka tshiamo.+
16 Ka ntlha ya me, dikgosana di tswelela di laola,Le batlotlegi ba atlhola ka tshiamo.
17 Ke rata ba ba nthatang,Mme ba ba mpatlang ba tla mpona.+
18 Dikhumo le kgalalelo di tswa mo go nna,Letlotlo le le nnelang ruri* le tshiamo.
19 Maungo a me a botoka go gaisa gauta, go gaisa gauta e e itshekisitsweng,E bile dimpho tse di tswang mo go nna di botoka go gaisa selefera ya maemo a a kwa godimo.+
20 Ke kaelwa ke se se siameng,E bile ke atlhola sentle ka metlha;
21 Ke naya ba ba nthatang boswa jo bontsi,E bile ke tlatsa mabolokelo a bone.
22 Jehofa o ne a mpopa ke le tshimologo ya tiro ya gagwe ya go bopa,+Ke le wa ntlhantlha mo dilong tse a di dirileng bogologolo.+
23 Ke ne ka tlhomiwa mo maemong a me go tswa kwa dinakong tsa bogologolo,*+Go tswa kwa tshimologong, go tswa metlheng ya bogologolo pele ga lefatshe.+
24 Fa go ne go ise go nne le metsi a mantsintsi a a boteng,+ ke ne ka tsholwa,*Fa go ne go ise go nne le metsi a mantsi a a elelang a tswa mo mmung.
25 Pele ga dithaba di tlhongwa mo mannong a tsone,Pele ga dithota di nna gone, ke ne ka tsholwa,
26 Fa a ne a ise a dire lefatshe le naga ya loneKgotsa makwete a ntlha a mmu.
27 Fa a ne a dira magodimo,+ ke ne ke le teng;Fa a ne a dira molelwane* fa gare ga loapi le lewatle,+
28 Fa a ne a dira* maru kwa godimo,Fa a ne a dira metswedi ya metsi,
29 Fa a ne a tlhomela lewatle molaoGore metsi a lone a se ka a tlola taelo ya gagwe,+Fa a ne a thaya* metheo ya lefatshe,
30 Ka nako eo, ke ne ke le fa thoko ga gagwe ke le modiri yo o setswerere.+
Ke ne ke le yo o rategang thata mo go ene+ letsatsi le letsatsi;Ke ne ke itumela fa pele ga gagwe ka dinako tsotlhe;+
31 Ke ne ke itumelela lefatshe le batho ba neng ba tlile go nna mo go lone,Mme ke ne ke rata batho* fela thata.
32 Mme jaanong bomorwaaka, ntheetseng;Gonne go itumela ba ba bolokang ditsela tsa me.
33 Reetsang kotlhao+ mme lo tlhalefe,Lo se ka lwa e tlhokomologa le ka motlha.
34 Go itumela motho yo o ntheetsangKa go tla fa dikgorong tsa me phakela* letsatsi le letsatsi,Ka go leta gaufi le dikgoro tsa ntlo ya me;
35 Gonne yo o mponang o tla bona botshelo,+Mme Jehofa o a mo amogela.
36 Le fa go ntse jalo, yo o intlhokomolosang o a ikgobatsa,Mme ba ba ntlhoileng ba rata loso.”+
Dintlha Tse di Kwa Tlase
^ Seheb., “le bomorwa batho.”
^ Seheb., “tlhaloganyang pelo.”
^ Bona Ditlhaloso Tsa Mafoko.
^ Kgotsa “Boswa jo bo tlhwatlhwakgolo.”
^ Kgotsa “go tswa kwa dinakong tse di ka se kang tsa gopolwa.”
^ Kgotsa “ke ne ka tsholwa jaaka e kete ka ditlhabi tsa pelegi.”
^ Seheb., “kgolokwe.”
^ Seheb., “nonotsha.”
^ Kgotsa “a laela gore go nne le.”
^ Seheb., “bomorwa batho.”
^ Kgotsa “Ka go nna a tsogile.”
