Diane 29:1-27

  • Ngwana yo o tlogelwang fela o tlhabisa ditlhong (15)

  • Fa go se na ponatshegelo, batho ga ba laolesege (18)

  • Motho yo o bogale o baka dikgogakgogano (22)

  • Motho yo o ikokobeditseng o a galalediwa (23)

  • Go boifa batho ke serai (25)

29  Motho yo o thatafatsang thamo ya gagwe* a sena go kgalemelwa gantsintsi+O tla robega ka tshoganyetso mo a ka se kang a fola.+   Fa basiami ba le bantsi, batho ba a itumela,Mme fa modirabosula a busa, batho ba a hutsafala.+   Motho yo o ratang botlhale o itumedisa rraagwe,+Mme yo o itsalanyang le bagwebakammele o dirisa dikhumo tsa gagwe botlhaswa.+   Fa kgosi e busa ka tshiamiso e dira gore naga ya yone e se ka ya nna le dikhuduego,Mme motho yo o batlang pipamolomo o senya naga eo.+   Motho yo o tsietsang moagelani wa gagwe ka go nna loleme lo boretheO tsharololela dinao tsa moagelani wa gagwe letlowa.+   Maleo a motho yo o bosula a mo tsenya mo seraing,+Mme motho yo o siameng o goa ka boipelo e bile a itumetse.+   Mosiami o tshwenyega ka gore mohumanegi a direlwe tshiamiso,+Mme modirabosula ene ga a tshwenyege ka seo.+   Batho ba ba ipelafatsang ba dira gore motse o tuke bogale,+Mme ba ba botlhale ba faposa bogale.+   Fa motho yo o botlhale a ganetsana le seeleele,Go tla nna le dikgotlhang le go sotlana, mme gone motho yo o botlhale a ka se fitlhelele sepe.+ 10  Batho ba ba nyoretsweng go tsholola madi ba tlhoile ope fela yo o se nang molato,+E bile ba batla go bolaya batho ba ba siameng.* 11  Motho yo o sematla o ntsha bogale* jwa gagwe jotlhe,+Mme yo o botlhale o a ritibala a bo a bo thibela.+ 12  Fa mmusi a reetsa maaka,Batlhanka ba gagwe botlhe ba tla nna bosula.+ 13  Motho yo o humanegileng le motho yo o gatelelang, ba tshwana ka seno:* Boobabedi Jehofa o naya matlho a bone lesedi.* 14  Fa kgosi e atlhola bahumanegi ka tekatekano,+Setulo sa yone sa bogosi se tla nnela ruri.+ 15  Thupa* le kgalemelo di naya botlhale,+Mme ngwana yo o tlogelwang fela a sa kgalemelwe o tlhabisa mmaagwe ditlhong. 16  Fa badirabosula ba oketsega, maleo a oketsega,Mme basiami ba tla bona fa batho ba ba bosula ba fedisiwa.+ 17  Kgalema morwao mme o tla go tlisetsa boikhutso;E bile o tla go itumedisa thata.+ 18  Kwa go se nang ponatshegelo* teng, batho ga ba laolesege,+Mme go itumela ba ba ikobelang molao.+ 19  Motlhanka ga a kitla a itetla go kgalemelwa ka mafoko,Gonne le fa a tlhaloganya, ga a diragatse.+ 20  A o kile wa bona motho yo o itlhaganelelang go bua?+ Go motlhofo go thusa sematla go na le go thusa ene.+ 21  Fa motlhanka a nenekediwa fela go tloga a sa le mosha,O tla feleletsa e le motho yo o sa lebogeng. 22  Motho yo o ratang bogale o baka dikgogakgogano;+Ope fela yo o ratang go shakgala o dira diphoso di le dintsi.+ 23  Mabela a motho a tla mo kokobetsa,+Mme ope fela yo o ikokobeditseng* o tla galalediwa.+ 24  Yo o dirisanang le legodu ga a ithate. A ka nna a laelwa gore a ye go ntsha bosupi,* mme a bo a sa bege sepe.+ 25  Go boifa batho ke* serai,+Mme yo o ikanyang Jehofa o tla sirelediwa.+ 26  Batho ba ba batlang go kopana le* mmusi ba bantsi,Mme tshiamiso e tswa kwa go Jehofa.+ 27  Motho yo o sa siamang o makgapha mo basiaming,+Mme motho yo o dirang se se siameng o makgapha mo bathong ba ba bosula.+

Dintlha Tse di Kwa Tlase

Kgotsa “yo o tswelelang a le tlhogoethata.”
Kgotsa gongwe “Mme yo o siameng o batla go boloka botshelo jwa gagwe.”
Seheb., “moya.”
Seheb., “ba kopana mmogo.”
Go tewa gore Modimo o ba naya botshelo.
Kgotsa “Kotlhao.”
Kgotsa “ponatshegelo ya boporofeti; tshenolo.”
Seheb., “ikokobeditseng mo moyeng.”
Kgotsa “maikano a a akaretsang phutso.”
Kgotsa “go baya.”
Kgotsa gongwe “ba ba batlang go amogelwa ke.” Seheb., “ba ba batlang sefatlhego sa.”