Diane 7:1-27

  • Amogela ditaelo tsa Modimo mme o tshele (1-5)

  • Lekawana le le se nang maitemogelo le a tsiediwa (6-27)

    • “Jaaka poo e e yang go tlhabiwa” (22)

7  Morwaaka, ikobele mafoko a me,Mme o boloke ditaelo tsa me.+   Latela ditaelo tsa me, mme o tswelele o tshela;+A molao wa me o nne botlhokwa mo go wena jaaka thaka ya leitlho la gago.   Di bofelele mo menwaneng ya gago;Di kwale mo pelong ya gago.+   Raya botlhale o re, “O kgaitsadiake,” Mme o bitse tlhaloganyo o re “wa losika lwa me,”   Gore di go sireletse mo mosading yo o duleng mo tseleng,*+Le mo mosading yo o dirang boitsholo jo bo sa siamang* le mo mafokong a gagwe a a tsietsang.+   Ke ne ka leba kwa tlase ka fensetere,Ka letlhabaphefo la ntlo ya me,   Mme fa ke ntse ke lebile ba ba se nang maitemogelo,Ke ne ka bona lekawana lengwe le le seng botlhale.+   Le ne le feta ka tsela e e gaufi le khona ya mosadi yoo,Mme le ne le gwanta le ya ntlheng ya ntlo ya gagwe   Maitseboa ka lotlatlana,+Fa go nna bosigo e bile go nna lefifi. 10  Foo ke ne ka bona mosadi mongwe a mo kgatlhantsha,A apere jaaka* mogwebakammele,+ a le pelo e e boferefere. 11  O modumo e bile o tlhogoethata.+ Ga a ke a nna* mo gae. 12  Gone jaanong o kwa ntle, kgantele o kwa dipatlelong,O leta gaufi le khona nngwe le nngwe.+ 13  O a mo tshwara a bo a mo suna;O bua jaana a sa tlhabiwe ke ditlhong: 14  “Ke tshwanetse go ntsha ditlhabelo tsa go abelana.+ Gompieno ke diragaditse maikano a me. 15  Ke gone ka moo ke tlileng go go kgatlhantsha,Ke tlileng go go batla, mme ke go bone! 16  Ke adile matsela a mantle mo bolaong jwa me,Matsela a mebalabala, a a tswang kwa Egepeto.+ 17  Ke kgatšhitse bolao jwa me ka borekhu jo bo nkgang monate,* mekgwapha* le sinamone.+ 18  Tlaa, a re robale mmogo go fitlha mo mosong;*A re tlhakanele dikobo, 19  Gonne monna wa me ga a yo mo gae;O tsere loeto lo loleele. 20  O tsere kgetsana ya madi,Mme ga a kitla a boa go fitlha ka letsatsi la ngwedi yo o tletseng.” 21  Mosadi yono o mo faposa ka go mo tlhotlheletsa thata.+ O mo tsietsa ka mafoko a a borethe. 22  Ka tshoganyetso fela o mo sala morago jaaka poo e e yang go tlhabiwa,Le jaaka seeleele se se yang go tsenngwa mo dikoteng tsa go golega,*+ 23  Fela jaaka nonyane e e itlhaganelelang kwa seraing, ga a itse gore seo se tla fedisa botshelo* jwa gagwe;+Go fitlha motswi o phunyeletsa sebete sa gagwe. 24  Mme jaanong bomorwaaka, ntheetseng;Tlhwaelang tsebe mafoko a ke a buang. 25  Lo se ka lwa letla dipelo tsa lona di fapogela kwa ditseleng tsa gagwe. Lo se ka lwa timelela kwa ditselaneng tsa gagwe,+ 26  Gonne o dirile gore batho ba le bantsi ba swe setlhogo,+E bile batho ba a ba bolaileng ba bantsi.+ 27  Ntlo ya gagwe e isa kwa Lebitleng;*E fologela kwa diphaposing tse di kwa tengteng tsa loso.

Dintlha Tse di Kwa Tlase

Seheb., “mo mosading o sele.” Bona Dia 2:16.
Seheb., “mo mosading wa motswakwa.” Bona Dia 2:16.
Kgotsa “seaparo sa.”
Seheb., “Dinao tsa gagwe ga di ke di nna.”
Seheb., “ka mera.” Bona Ditlhaloso Tsa Mafoko.
Kgotsa “mekgopha; lekgala; thugwe.”
Seheb., “a re tlhapelwe ke lorato lwa rona go fitlha mo mosong.”
Kgotsa “mo dikeetaneng.”
Seheb., “ne′phesh.Bona Ditlhaloso Tsa Mafoko.
Kgotsa “Sheole.” Bona Ditlhaloso Tsa Mafoko.