Diane 13:1-25

  • Ba ba batlang kgakololo ba botlhale (10)

  • Selo se motho a se eletsang fa se sa diragadiwe, se ka mo hutsafatsa (12)

  • Morongwa yo o ikanyegang o tlisa phodiso (17)

  • Go tsamaya le ba ba botlhale go dira gore motho a nne botlhale (20)

  • Kotlhao ke tsela ya go bontsha lorato (24)

13  Morwa yo o botlhale o amogela kotlhao ya ga rraagwe,+Mme mosotli ga a reetse kgalemelo.*+   Motho o tla ja se se molemo se se tswang mo maungong a se a se buang,*+Mme maferefere a eletsa thubakanyo.   Yo o disang molomo wa gagwe* o sireletsa botshelo* jwa gagwe,+Mme yo o buang thata o tla senngwa.+   Setshwakga se eletsa dilo tse dintsi, le fa go ntse jalo ga se na sepe,+Mme yo o dirang ka natla o tla kgotsofala thata.*+   Mosiami o tlhoile maaka,+Mme ditiro tsa badirabosula di tlisa matlhabisaditlhong le tlontlologo.   Tshiamo e sireletsa motho yo tsela ya gagwe e se nang molato,+Mme bosula bo diga moleofi.   Go na le motho yo o itirang e kete ke mohumi mme gone a se na sepe;+Go na le motho yo mongwe yo o itirang e kete o humanegile mme gone a na le dikhumo tse dintsi.   Motho yo o humileng o duela ka dikhumo tsa gagwe gore a sireletse botshelo* jwa gagwe,+Mme motho yo o humanegileng ene ga a mo kotsing eo.+   Lesedi la basiami le phatsima thata,*+Mme lobone lwa batho ba ba bosula lo tla timiwa.+ 10  Boikgogomoso bo felela ka dikgogakgogano,+Mme ba ba batlang kgakololo* ba botlhale.+ 11  Dikhumo tse di bonwang ka bonako* di tla fokotsega,+Mme khumo ya yo o e kokoanyang ka iketlo ka iketlo* e tla oketsega. 12  Fa selo se motho a se letetseng se tsaya nako go diragala, seo se ka mo hutsafatsa,+Mme fa se a se eletsang se diragadiwa, go tshwana le setlhare sa botshelo.+ 13  Ope fela yo o nyatsang taelo* o tla tlelwa ke ditlamorago tsa gone,+Mme yo o tlotlang molao o tla duelwa.+ 14  Thuto* ya motho yo o botlhale e dira gore motho a nne a tshela,+E ka dira gore motho a se ka a swa. 15  Temogo e dira gore motho a amogelwe,Mme tsela ya maferefere e makgwakgwa. 16  Motho yo o botlhale o dira dilo ka kitso,+Mme seeleele se senola boeleele jwa sone.+ 17  Morongwa yo o bosula o tsena mo mathateng,+Mme morongwa yo o ikanyegang o tlisa phodiso.+ 18  Ope fela yo o tlhokomologang kotlhao o a humanega e bile o a tlontlologa,Mme yo o amogelang kgalemelo o tla galalediwa.+ 19  Fa keletso e diragaditswe, motho o a itumela,+Mme sematla se tlhoile go fapoga bosula.+ 20  Yo o tsamayang le batho ba ba botlhale o tla nna botlhale,+Mme yo o dirisanang le dimatla, dilo ga di na go mo tsamaela sentle.+ 21  Masetlapelo a lelekisa baleofi,+Mme tuelo ya basiami ke katlego.+ 22  Motho yo o siameng o tlogelela ditlogolwana tsa gagwe boswa,Mme khumo ya moleofi e tla bolokelwa mosiami.+ 23  Tshimo e e lemilweng ya mohumanegi e ntsha dijo tse dintsi,Mme e ka nna ya tsewa mo go ene ka ntlha ya go direlwa tshiamololo. 24  Ope fela yo o sa batleng go itaya* morwawe o mo tlhoile,+Mme yo o ratang morwawe o a mo otlhaya.+ 25  Mosiami o ja a bo a kgotsofala,+Mme mpa ya badirabosula ga e na sepe.+

Dintlha Tse di Kwa Tlase

Kgotsa “kgakololo.”
Seheb., “mo molomong wa gagwe.”
Kgotsa “se a se buang.”
Seheb., “ne′phesh.Bona Ditlhaloso Tsa Mafoko.
Seheb., “o tla nontshiwa.”
Seheb., “ne′phesh.Bona Ditlhaloso Tsa Mafoko.
Seheb., “le a itumela.”
Kgotsa “ba ba gakololanang.”
Kgotsa “Dikhumo tse di tswang mo lefeleng.”
Seheb., “yo o e kokoanyang ka seatla.”
Kgotsa “lefoko.”
Kgotsa “Molao.”
Kgotsa “go kgalemela; go otlhaya.”