Diane 5:1-23
5 Morwaaka, tlhwaela mafoko a me a a botlhale tsebe.
Reetsa ka kelotlhoko* se ke se rutang ka temogo,+
2 Gore o tle o sireletse bokgoni jwa gago jwa go akanyaLe gore o bue boammaaruri ka dinako tsotlhe.+
3 Gonne molomo wa mosadi yo o duleng mo tseleng* o rotha jaaka tswina ya dinotshe mo lomepeng,+E bile loleme lwa gagwe lo borethe go feta leokwane.+
4 Mme kwa bofelong o bogalaka jaaka longana+E bile o bogale jaaka tšhaka e e magalemabedi.+
5 Dinao tsa gagwe di fologela mo losong.
Dikgato tsa gagwe di isa kwa Lebitleng.*
6 Ga a akanye ka botshelo.
O a kgarakgatshega, mme ga a itse gore o ya kae.
7 Jaanong bomorwaaka, ntheetsengMme lo se ka lwa fapoga se ke se buang.
8 Tsamaela kgakala le ene;O se ka wa atamela kgoro ya ntlo ya gagwe,+
9 Gore o tle o se ka wa naya ba bangwe seriti sa gago+Kgotsa wa boga botshelo jotlhe;+
10 Gore batho ba sele ba se ka ba tla ba ja dithoto* tsa gago,+Le gore se o se bereketseng ka natla se se ka sa ya kwa ntlong ya motswakwa.
11 Go seng jalo, o tla bokolela fa botshelo jwa gago bo khutlaFa nama ya gago le mmele wa gago di nyelela+
12 O bo o re: “Ruri ke ne ka tlhoa kotlhao!
Ruri pelo ya me e ne ya nyatsa kgalemelo!
13 Ga ke a ka ka reetsa lentswe la barutisi ba meE bile ga ke a ka ka ba tlhwaela tsebe.
14 Ke gaufiufi le go nyelela gotlheleleFa pele ga phuthego yotlhe.”*+
15 Nwa metsi mo khuting ya gago ya go bolokela metsi*Le metsi a a elelang* a a tswang mo sedibeng sa gago.+
16 A metswedi ya gago e tshwanetse go tshologela kwa ntle,A melatswana ya gago e tshwanetse go tshologela mo dipatlelong?+
17 A e nne ya gago o le esi,Mme o se ka wa e kopanela le batswakwa.+
18 E kete motswedi wa gago wa metsi o ka segofala,E bile e kete o ka itumela le mosadi yo o mo nyetseng o sa le mosha,+
19 Kgama e namagadi e e bokgwabo, podi ya kwa dithabeng* e e bontle jo bo gogelang.+
A mabele a gagwe a go kgotsofatse* ka dinako tsotlhe.
E kete lorato lwa gagwe lo ka go itumedisa ka metlha.+
20 Ka jalo morwaaka, ke ka ntlha yang fa o kgatlhiwa ke mosadi yo o duleng mo tseleng*Kgotsa o tlamparela sehuba sa mosadi yo o dirang boitsholo jo bo sa siamang?*+
21 Gonne Jehofa o bona sengwe le sengwe se motho a se dirang;O tlhatlhoba ditselana tsotlhe tsa gagwe.+
22 Modirabosula o tshwarwa ke melato ya gagwe,Mme o tla golegwa ke dikgole tsa boleo jwa gagwe.+
23 O tla swa ka gonne a sa otlhaiwaA bo a timela ka ntlha ya boeleele jwa gagwe jo bo feteletseng.
Dintlha Tse di Kwa Tlase
^ Seheb., “Sekegela tsebe.”
^ Kgotsa “Sheole.” Bona Ditlhaloso Tsa Mafoko.
^ Kgotsa “maatla.”
^ Seheb., “Fa pele ga kopano le phuthego.”
^ Bona Ditlhaloso Tsa Mafoko.
^ Kgotsa “a a phepa.”
^ Kgotsa “podi ya naga.”
^ Kgotsa “a go tlhapele.”
