Diane 18:1-24

  • Go itlhaola ke bopelotshetlha e bile ga go botlhale (1)

  • Leina la ga Jehofa ke tora e e nonofileng (10)

  • Mo mogopolong dikhumo di lebega e le tshireletso (11)

  • Botlhale jwa go reetsa matlhakore oomabedi (17)

  • Tsala e e ikanyegang go gaisa ba lelapa la gaeno (24)

18  Ope fela yo o itlhaolang o tla dira dikeletso tsa gagwe tsa bopelotshetlha;O gana* botlhale jotlhe jo bo mosola.   Sematla ga se batle go tlhaloganya sepe;Bogolo se ka bua se se mo pelong ya sone.+   Fa motho a dira se se bosula, o tla nyadiwa,E bile fa a dira dilo tse di tlhabisang ditlhong, o tla tlontlololwa.+   Mafoko a motho a tshwana le metsi a a boteng.+ Botlhale jwa gagwe bo tshwana le molatswana o o elelang.   Ga go a siama go tsaya letlhakore la modirabosula fa o atlhola+Kgotsa go direla mosiami tshiamololo.+   Puo ya sematla e felela ka dikomano,+E bile molomo wa gagwe o ipiletsa go itewa.+   Sematla se fedisiwa ke molomo wa sone,+E bile mafoko a gagwe a tsenya botshelo* jwa gagwe mo kotsing.   Mafoko a motho yo o senyang batho maina a tshwana le dijo tse di monate;*+Tse di fologelang ka bonako mo mpeng.+   Ope fela yo o setshwakga mo tirong ya gagweKe morwarraagwe motho yo o bakang tshenyego.+ 10  Leina la ga Jehofa ke tora e e nonofileng.+ Mosiami o sianela mo go yone a bo a sireletsega.*+ 11  Dikhumo tsa mohumi di tshwana le motse wa gagwe o o sireletsegileng;Mo mogopolong wa gagwe, di ntse jaaka lobota lo lo sireletsang.+ 12  Pelo ya motho e e ikgodisang e latelwa ke mathata,+E bile boikokobetso bo latelwa ke kgalalelo.+ 13  Fa ope fela a fetola kgang pele ga a utlwa dintlha tsa yone,Seo ke boeleele le matlhabisaditlhong.+ 14  Motho yo o pelokgale a ka kgona go itshokela bolwetse,+Mme ke mang yo o ka itshokelang moya o o hutsafetseng?*+ 15  Pelo ya motho yo o nang le tlhaloganyo e senka kitso,+E bile tsebe ya ba ba botlhale e batla go utlwa kitso. 16  Mpho ya motho e mmulela tsela;+E dira gore a tsene kwa bathong ba ba tlotlegang. 17  Motho wa ntlha go bua kgang ya gagwe o lebega a siame,+Go fitlha yo mongwe a tla a bo a mmotsolotsa.*+ 18  Go latlhela bola go fedisa dikgotlhang+E bile go fedisa kgang fa gare ga* ba ba ganetsanang thata. 19  Go kokobetsa bogale jwa morwarramotho yo o kgopisegileng go thata go feta go gapa motse o o sireletsegileng,+E bile dikgotlhang di kgaoganya batho fela jaaka dikgoro tsa motse.+ 20  Mpa ya motho e tla tladiwa ke maungo a puo* ya gagwe;+O tla kgotsofadiwa ke se molomo wa gagwe o se buang. 21  Loso le botshelo di mo maatleng a loleme;+Ba ba ratang go lo dirisa thata ba tla ja maungo a lone.+ 22  Monna yo o nyalang mosadi yo o molemo o bone sengwe se se molemo+E bile Jehofa o a mo amogela.+ 23  Motho yo o humanegileng o kopa a tlhoafetse,Mme motho yo o humileng o araba ka bogale. 24  Go na le balekane ba ba ikemiseditseng go direlana bosula,+Mme go na le tsala e e ikanyegang go gaisa ba lelapa la gaeno.+

Dintlha Tse di Kwa Tlase

Kgotsa “nyatsa.”
Seheb., “mafoko a sone ke seru mo botshelong jwa sone;” “ne′phesh.Bona Ditlhaloso Tsa Mafoko.
Kgotsa “le dilo tse motho a di metsang ka bogagaru.”
Seheb., “a tsholelediwa kwa godimo,” go tewa gore a se ka a tshwarwa, a babalesege.
Kgotsa “go tlalelwa thata?”
Kgotsa “a mo hukutsa.”
Seheb., “go kgaoganya.”
Seheb., “molomo.”