Diane 24:1-34
24 O se ka wa tswela batho ba ba bosula pelo,E bile o se ka wa eletsa go nna le bone,+
2 Gonne ba nna ba akanya thata ka thubakanyo,E bile ba nna ba bua ka ditiro tse di bosula.
3 Ntlo* e agiwa ka botlhale,+E bile e sirelediwa ka temogo.
4 Ka kitso, diphaposi tsa yone di tladiwaKa matlotlo otlhe a mefutafuta a a tlhwatlhwakgolo le a mantle.+
5 Monna yo o botlhale o nonofile,+E bile motho o oketsa maatla a gagwe ka kitso.
6 O tla tlhabana ka kgakololo e e botlhale,+E bile fa go na le bagakolodi ba bantsi go nna le phenyo.*+
7 Motho yo o seeleele o tsaya go nna le botlhale jwa boammaaruri e le selo se se sa kgonegeng;+Ga a na sepe se a ka se buang kwa kgorong ya motse.
8 Ope fela yo o logang maano a a bosulaO tla bidiwa mologamaano yo mogolo.+
9 Maano a boeleele* a isa kwa boleong,E bile batho ba tlhoile mosotli.+
10 Fa o kgobega marapo mo letsatsing la matshwenyego*
O tla felelwa ke maatla.
11 Golola ba ba isiwang kwa losongO bo o thibele ba ba kgokgweetsegelang go ya go bolawa.+
12 Fa o re: “Mme re ne re sa itse seno,”
A Ene yo o tlhatlhobang dipelo* ga a kitla a lemoga seo?+
Eleruri, Ene yo o go lebileng o tla itseE bile o tla duela mongwe le mongwe go ya ka ditiro tsa gagwe.+
13 Morwaaka, ja tswina ya dinotshe, ka gonne e molemo;Tswina ya dinotshe e e tswang mo mamepeng e monate fa o e e ja.
14 Ka tsela e e tshwanang, itse gore botlhale bo ka go solegela molemo.*+
Fa o bo bone, o tla nna le bokamoso jo bo molemoE bile tsholofelo ya gago ga e kitla e kgaolwa.+
15 O se ka wa dira bosula ka go lalela mosiami gaufi le legae la gagwe;O se ka wa senya lefelo la gagwe la boikhutso.
16 Gonne le fa mosiami a ka wa ga supa, o tla tsoga gape,+Mme badirabosula bone ba tla wa ka ntlha ya masetlapelo.+
17 Fa mmaba wa gago a wa, o se ka wa itumela,E bile fa a kgopiwa, o se ka wa letla gore pelo ya gago e itumele;+
18 Go seng jalo, Jehofa o tla bona seo a bo a sa itumele,E bile o tla tlosa bogale jwa gagwe mo go ene.*+
19 O se ka wa kgopisega* ka ntlha ya batho ba ba bosula;O se ka wa ba tswela pelo,
20 Gonne badirabosula ga ba na bokamoso;+Lobone lwa batho ba ba bosula lo tla timiwa.+
21 Morwaaka, boifa Jehofa le kgosi.+
E bile o se ka wa itsalanya le batlhanogi,*+
22 Gonne ba tla welwa ke masetlapelo ka tshoganyetso.+
Ke mang yo o itseng gore boobabedi* ba tla ba tlisetsa tshenyego efe?+
23 Mafoko ano le one ke a batho ba ba botlhale:
Go tsaya letlhakore fa o atlhola ga go a siama.+
24 Ope fela yo o rayang modirabosula a re, “Wena o siame,”+
O tla hutsiwa ke ditšhaba e bile o tla atlholwa ke merafe.
25 Mme batho ba ba kgalemelang modirabosula, ba tla atlega;+Ba tla tlelwa ke masego a dilo tse di molemo.+
26 Batho ba tla suna motho yo o arabang ka boikanyegi.*+
27 Baakanya tiro ya gago e e kwa ntle, mme o rulaganye sengwe le sengwe kwa tshimong;Go tswa foo, o age ntlo* ya gago.
28 O se ka wa latofatsa moagelani wa gago o se na mabaka a a utlwalang.+
O se ka wa dirisa molomo wa gago go tsietsa ba bangwe.+
29 O se ka wa re: “Ke tlile go mo dira fela jaaka a ntirile;Ke tlile go ipusolosetsa go ya ka se a se ntirileng.”*+
30 Ke fetile fa tshimong ya setshwakga,+Fa tshimong ya morara* ya motho yo o seng botlhale.
31 Ke bone e tlhogile mefero gotlhe fela;E ne e khurumeditswe ke dibabetsane,E bile lobota lwa yone lwa maje lo ne lo thubegile.+
32 Ke ne ka lemoga seno ka bo ka se isa pelong;Ke ne ka se bona mme ka ithuta thuto* eno:
33 Fa o robala go le gonnye, o otsela go le gonnye,O phutha diatla go le gonnye gore o ikhutse,
34 Khumanego e tla go tlela fela jaaka senokwane,Le tshotlego e tla go tlela jaaka legodu le le tshotseng sebetsa.+
Dintlha Tse di Kwa Tlase
^ Kgotsa “Lelapa.”
^ Kgotsa “katlego; poloko.”
^ Kgotsa “seeleele.”
^ Kgotsa “ka dinako tsa mathata.”
^ Kgotsa “maitlhomo.”
^ Kgotsa “bo monate mo go wena.”
^ Go tewa mmaba.
^ Kgotsa “wa itshupa o galefile.”
^ Kgotsa “ba ba lwelang diphetogo.”
^ Go tewa Jehofa le kgosi.
^ Kgotsa gongwe “Go araba motho ka tsela e e tlhamaletseng go tshwana le go mo suna.”
^ Kgotsa “ba lelapa.”
^ Kgotsa “Ke tla itepatepanya le ene.”
^ Kgotsa “diterebe; moretlwa.”
^ Seheb., “ka amogela kotlhao.”
