Diane 21:1-31

  • Jehofa o kaela pelo ya kgosi (1)

  • Tshiamiso e botoka go feta setlhabelo (3)

  • Go dira ka natla go dira gore motho a atlege (5)

  • Yo o sa reetseng motho wa maemo a a kwa tlase ga a kitla a arabiwa (13)

  • Go ganetsana le Jehofa ga go bontshe botlhale (30)

21  Pelo ya kgosi e tshwana le melatswana ya metsi mo seatleng sa ga Jehofa.+ O e kaela gongwe le gongwe kwa a ratang teng.+   Ditsela tsotlhe tsa motho di lebega di siame mo go ene,+Mme Jehofa o tlhatlhoba dipelo.*+   Go dira se se siameng le go dira dilo ka tshiamisoGo itumedisa Jehofa thata go na le go ntsha setlhabelo.+   Matlho a a mabela le pelo e e ikgodisangKe lobone lo lo kaelang badirabosula, mme dilo tseno ke boleo.+   Dithulaganyo tsa motho yo o dirang ka natla di dira gore a atlege,*+Mme botlhe ba ba dirang dilo ka mafega ba feleletsa ba humanegile.+   Matlotlo a motho a nnang le one ka loleme lo lo buang maakaA tshwana le mouwane o o nyelelang, ke serai se se kotsi.*+   Thubakanyo ya badirabosula e tla ba gogola,+Gonne ba gana go dira dilo ka tshiamiso.   Tsela ya motho yo o nang le molato e sokame,Mme ditiro tsa motho yo o itshekileng di siame.+   Go botoka go nna mo khoneng ya boruleloGo na le go nna mo ntlong e le nngwe le mosadi yo o ratang go omana.*+ 10  Motho yo o bosula o eletsa se se bosula;+Ga a utlwele moagelani wa gagwe botlhoko.+ 11  Fa mosotli a otlhaiwa, yo o se nang maitemogelo o nna botlhale,Mme fa motho yo o botlhale a ithuta dilo tse di oketsegileng, o nna le kitso.*+ 12  Yo o Siameng o sekaseka ntlo ya modirabosula;O dira gore modirabosula a welwe ke masetlapelo.+ 13  Ope fela yo o thibang tsebe ya gagwe gore a se ka a utlwa selelo sa yo o tlhokangLe ene o tla bitsa mme ga a kitla a arabiwa.+ 14  Mpho e e ntshiwang mo sephiring e okobatsa bogale,+E bile pipamolomo e e fitlhilweng* e okobatsa tšhakgalo. 15  Mosiami o itumelela go dira se se siameng,+Mme ba ba dirang bosula ba tlhoile go dira se se siameng. 16  Motho yo o fapogang mo tseleng ya temogoO tla felela a le kwa bathong ba ba suleng.+ 17  Motho yo o ratang go ijesa menate o tla humanega;+Motho yo o ratang beine le leokwane ga a kitla a huma. 18  Modirabosula ke thekololo ya mosiami,E bile go tla tsewa leferefere mo boemong jwa ba ba ikanyegang.+ 19  Go botoka go nna kwa nagengGo na le go nna le mosadi yo o ratang go omana* e bile a lapisa.+ 20  Letlotlo le le tlhwatlhwakgolo le leokwane di fitlhelwa mo ntlong ya motho yo o botlhale,+Mme motho yo o sematla o tla dirisa* se a nang le sone botlhaswa.+ 21  Ope fela yo o latelelang tshiamo le lorato lo lo sa kgaotsengO tla bona botshelo, tshiamo le kgalalelo.+ 22  Motho yo o botlhale o kgona go palama lobota lwa* motse wa batho ba ba maatlaA bo a fedisa maatla a ba a ikantseng.+ 23  Yo o disang molomo wa gagwe le loleme lwa gagweO iketsha* mo mathateng.+ 24  Motho yo o dirang dilo ka boikgogomoso a le botlhaswaKe moikgogomosi, moikgantshi yo o ikgodisang.+ 25  Motho yo o setshwakga o tla bolawa ke se a se eletsang,Gonne o gana go bereka.+ 26  O eletsa ka bopelotshetlha letsatsi lotlhe,Mme mosiami o a aba, ga a gane ka sepe.+ 27  Modimo o tlhoile setlhabelo sa motho yo o bosula,+Bogolo jang fa a se ntsha ka maikaelelo a a sa siamang!* 28  Mosupi yo o buang maaka o tla nyelela,+Mme motho yo o begang se a se utlwileng o tla atlega.* 29  Motho yo o bosula o nna pelokgale,+Mme yo o siameng ene, tsela ya gagwe e sireletsegile.*+ 30  Ga go na botlhale, kgotsa temogo, kgotsa kgakololo e e tla dirang gore thato ya ga Jehofa e se ka ya direga.+ 31  Pitse e baakanyediwa letsatsi la tlhabano,+Mme poloko e tswa kwa go Jehofa.+

Dintlha Tse di Kwa Tlase

Kgotsa “maitlhomo.”
Kgotsa “di solegela molemo.”
Kgotsa gongwe “mo go ba ba batlang loso.”
Kgotsa “go tshwayatshwaya diphoso.”
Kgotsa “o itse se a tshwanetseng go se dira.”
Seheb., “pipamolomo e e mo sehubeng.”
Kgotsa “go tshwayatshwaya diphoso.”
Seheb., “metsa.”
Kgotsa “go fenya.”
Kgotsa “ikentsha.”
Kgotsa “a dira boitsholo jo bo tlhabisang ditlhong!”
Seheb., “o tla bua ka bosakhutleng.”
Kgotsa “o tlhomamisa tsela ya gagwe.”