Proverbat 13:1-25
13 Një bir është i mençur kur i ati e disiplinon,+ por tallësi s’e dëgjon qortimin.+
2 Njeriu do të hajë të mira nga fryti i gojës së tij,+ por shpirti i atyre që veprojnë pabesisht, ushqehet me dhunë.+
3 Kush e mban gojën, ruan shpirtin e vet.+ Kush i hap shumë buzët, rrënohet.+
4 Përtaci dëshiron, por shpirti i tij s’ka asgjë.+ Megjithatë shpirti i atyre që ngulmojnë, majmet.+
5 I drejti e urren fjalën e rreme,+ kurse të ligjtë veprojnë pa turp dhe e çnderojnë veten.+
6 Drejtësia e ruan njeriun që nuk bën keq në udhën e tij,+ por ligësia e rrëzon mëkatarin.+
7 Ka nga ata që hiqen si të pasur, por s’kanë gjë fare;+ ka nga ata që hiqen si të vobektë, e megjithatë kanë shumë gjëra të vyera.
8 Shpërblesa për shpirtin e një pasaniku është pasuria e tij,+ por i vobekti s’dëgjon qortime.+
9 Drita e të drejtëve do të bëhet edhe më e shndritshme,+ por llamba e të ligjve do të shuhet.+
10 Kur është arrogant,* njeriu shkakton vetëm grindje,+ por mençuria është me ata që këshillohen së bashku.+
11 Gjërat me vlerë që përftohen prej kotësisë, pakësohen,+ por atij që i mbledh me dorën e vet, do t’i shtohen.+
12 Pritja e zgjatur e sëmur zemrën,+ kurse dëshira është si një pemë jete, kur plotësohet.+
13 Borxhliut që e ka përbuzur fjalën,+ do t’i mbahet pengu që ka dhënë, por kush i frikësohet urdhërimit, do të shpërblehet.+
14 Ligji i të mençurit është burim jete,+ për ta larguar njeriun nga kurthet e vdekjes.+
15 Gjykimi i thellë jep hir,+ por udha e atyre që veprojnë pabesisht është e vështirë.+
16 Njeriu mendjehollë do të veprojë sipas njohurisë,+ por budallai do të përhapë kudo marrëzi.+
17 Lajmëtari i lig do të bjerë në telashe,+ por një i dërguar i besueshëm sjell shërim.+
18 Kush lë pas dore disiplinën, bie në varfëri dhe çnderim,+ por kush ia vë veshin qortimit, merr lavdi.+
19 E këndshme është për shpirtin dëshira kur plotësohet,+ por budallenjve u vjen pështirë të largohen nga e keqja.+
20 Kush ecën me të mençurit, do të bëhet i mençur,+ por atij që shoqërohet me budallenjtë, do t’i shkojë keq.+
21 Gjëma ndjek mëkatarët,+ kurse e mira shpërblen të drejtët.+
22 Kush është i mirë, do t’u lërë trashëgimi bijve të bijve, dhe pasuria e mëkatarit ruhet si thesar për të drejtët.+
23 Ara e të vobektëve jep shumë ushqim,+ por ka nga ata që shkatërrohen për shkak të mungesës së gjykimit.+
24 Kush e kursen shkopin, e urren birin e tij,+ por kush e do, i rri mbi kokë duke e disiplinuar.+
25 I drejti ha sa i ngopet shpirti,+ kurse barku i të ligjve mbetet bosh.+
