Proverbat 8:1-36
8 A nuk po thërret mençuria+ dhe a nuk po e lëshon zërin e saj aftësia dalluese?+
2 Ajo ka zënë vend në majë të lartësive,+ pranë udhëve, në kryqëzimet e rrugëve.
3 Anash portave, buzë qytetit,+ në prag të hyrjeve, ajo thërret fort:+
4 «Juve po ju thërras, o njerëz, dhe zëri im u drejtohet bijve të njerëzve!+
5 O të papërvojë, fitoni mendjehollësi;+ dhe ju, o budallenj, fitoni një zemër me kuptueshmëri!+
6 Dëgjoni, sepse flas për gjërat më të rëndësishme+ dhe buzët e mia hapen për drejtësinë.+
7 Sepse goja ime thotë me zë të ulët të vërtetën,+ dhe për buzët e mia ligësia është e pështirë.+
8 Gjithë fjalët e gojës sime janë me drejtësi.+ S’ka mes tyre asgjë të shtrembër a dredharake.+
9 Të gjitha janë fjalë të goditura për njeriun me aftësi dalluese dhe të drejta për ata që fitojnë njohuri.+
10 Merrni disiplinën time dhe jo argjend, njohuri më mirë se ar të zgjedhur.+
11 Sepse mençuria është më e mirë se koralet,+ dhe gjithë kënaqësitë e tjera së bashku s’mund të barazohen me të.+
12 Unë, mençuria, kam qëndruar bashkë me mendjehollësinë+ dhe zotëroj njohuri e aftësi për të menduar.+
13 Të kesh frikë Jehovain do të thotë të urresh të keqen.+ Lartësimin e vetes, krenarinë,+ udhën e keqe dhe gojën e mbrapshtë+ i kam urryer.
14 Kam këshilla të mira+ dhe mençuri.*+ Kam kuptueshmëri;+ kam fuqi.+
15 Nëpërmjet meje mbretërit mbretërojnë dhe zyrtarët e lartë dekretojnë drejtësinë.+
16 Nëpërmjet meje sundojnë princat+ dhe gjithë fisnikët gjykojnë me drejtësi.+
17 Ata që më duan edhe unë i dua+ dhe ata që më kërkojnë, më gjejnë.+
18 Pasuritë dhe lavdia janë me mua,+ vlerat që trashëgohen dhe drejtësia.+
19 Fryti im është më i mirë se ari, edhe se ari i rafinuar, ndërsa prodhimi im më tepër se argjendi i zgjedhur.+
20 Unë eci në shtegun e drejtësisë,+ në mes të rrugëve të gjykimit,+
21 që t’i bëj ata që më duan të zotërojnë të mira;+ të mbushura i mbaj depot e tyre.+
22 Jehovai më bëri, dhe unë jam fillimi i aktivitetit të tij,+ më e hershmja e arritjeve të tij kohë më parë.+
23 U vendosa që nga kohët e hershme,+ që nga fillimi, shumë kohë më parë se të ishte toka.+
24 Unë erdha në dritë me dhembje lindjeje kur nuk kishte thellësi me ujë,+ kur s’kishte asnjë burim plot me ujë.
25 Para se maleve t’u vihej themeli,+ përpara kodrave, unë kisha dalë në dritë me dhembje lindjeje,
26 kur ai ende s’e kishte bërë tokën,+ hapësirat e paana dhe as plisat e parë të dheut të tokës.+
27 Kur ai përgatiti qiejt, unë isha atje;+ kur ai vendosi një rreth mbi faqen e thellësisë me ujë,+
28 kur i bëri të patundura masat e reve atje lart,+ kur i vuri nën kontroll burimet e thellësisë me ujë,+
29 kur vendosi për detin që ujërat të mos shkonin përtej asaj që urdhëroi ai,+ kur vendosi themelet e tokës,+
30 unë isha përkrah tij si një kryemjeshtër+ dhe ai më kishte veçanërisht për zemër+ ditë për ditë. Gëzohesha para tij gjithë kohës;+
31 gëzohesha me vendin pjellor të tokës+ së tij, dhe i kisha për zemër gjërat që kishin lidhje me bijtë e njerëzve.+
32 E tani, o bij, më dëgjoni; po, të lumtur janë ata që mbajnë udhët e mia.+
33 Dëgjoni disiplinën dhe bëhuni të mençur+ e mos tregoni asnjë pakujdesi.+
34 I lumtur është njeriu që më dëgjon, duke ndenjur zgjuar në dyert e mia ditë për ditë, duke vëzhguar në shtalkat e hyrjeve të mia.+
35 Sepse ai që më gjen, ka për të gjetur jetë+ dhe do të marrë pëlqimin e Jehovait.+
36 Por ai që nuk arrin të më gjejë, dhunon shpirtin e tij;+ të gjithë ata që më urrejnë thellësisht, duan vdekjen.+
Shënimet
^ Ose «mençuri praktike».
