Qhatiykachay
¿Imaraykutaj ninchej cristianos qhatiykachasqa kanata?
Qhatiykachasqa kaspa aguantanapaj, ¿imaraykutaj Jehovamanta yanapata mañakunanchej tiyan?
Sl 55:22; 2Co 12:9, 10; 2Ti 4:16-18; Heb 13:6
Chaymanta parlaj versículos:
1Re 19:1-18. Profeta Eliasqa qhatiykachasqa kaspa imaynachus kashasqanta Jehovaman willakorqa, Jehovataj payta kallpacharqa, sonqocharqa ima.
Hch 7:9-15. Josetaqa hermanosnin payman churanakojtinku Jehová yanaparqa. Jehovaqa mana Joseta saqerparerqachu, llakiykunamanta librarqa, paymanta valekuspataj tukuynin familianta salvarqa.
¿Imaynasmantataj qhatiykachasqa kanchej?
Imaymanasta niwanchej
2Cr 36:16; Mt 5:11; Hch 19:9; 1Pe 4:4
Chaymanta parlaj versículos:
2Re 18:17-35. Asiriamanta reypa sutinpi parlaj rabsaqueqa, Jehovaj contranpi sajrata parlarqa, Jerusalenpi tiyakojkunamantapis burlakorqa.
Lu 22:63-65; 23:35-37. Jesús preso kashajtin, chantá rakhu kʼaspipi warkhusqa kashajtin, enemigosnenqa imaymanasta nerqanku, paymantataj burlakorqanku.
Familianchej churanakuwanchej
Presochawanchej, autoridadespa ñaupaqenkumantaj apawanchej
Maqawanchej
Phiña runas tantaykukuspa maqawanchej
Wañuchiwanchej
Autoridades qhatiykachawajtinchej, ¿imaynataj paykunawan kananchej tiyan?
Mt 5:44; Hch 16:25; 1Co 4:12, 13; 1Pe 2:23
Chaymanta parlaj versículos:
Hch 7:57–8:1. Estebantaqa sajra runas tantaykukuspa wañucherqanku. Estebantajrí manaraj wañupushaspa Dios paykunamanta khuyakunanta mañakorqa. Chay sajra runas ukhupitaj Tarsomanta Saulo kasharqa.
Hch 16:22-34. Apóstol Pablotaqa maqarqanku, cepomantaj japʼiykucherqanku, jinapis Pabloqa carcelerowan kʼacha karqa. Chayraykutaj carcelerowan tukuy familianwanqa cristianosman tukorqanku.
¿Imataj karqa ñaupa tiempomanta wakin cristianoswan?
Qhatiykachasqa kaymanta, ¿imatá yuyananchej tiyan?
Qhatiykachasqa kashajtinchej, ¿imaynatá sumaj kausayta suyakusqanchej yanapawanchej?
¿Imaraykutaj qhatiykachasqa kaspa mana pʼenqakunchejchu, mana manchikunchejchu, Jehovata sirviytapis mana saqenchejchu?
Sl 56:1-4; Hch 4:18-20; 2Ti 1:8, 12
Chaymanta parlaj versículos:
2Cr 32:1-22. Rey Senaquerib may atiyniyoj soldadosninwan Jerusalenman yaykuykuyta munashajtin, Diosta kasukoj rey Ezequiasqa Jehovamanta yanapata mañakorqa, llajtamanta kajkunatapis kallpacharqa. Diostaj payta yanaparqa paypi atienekusqanrayku.
Heb 12:1-3. Jesustaqa enemigosnin kʼumuykachachiyta munarqanku, jinapis Jesusqa mana pʼenqakuspa aguantarqa.
Qhatiykachasqa kayta aguantay, ¿imaynasmantataj yanapawanchej?
Qhatiykachayta aguantaspaqa Jehovata kusichinchej, sutintapis jatunchanchej
Chaymanta parlaj versículos:
Job 1:6-22; 2:1-10. Jobqa mana yacharqachu Satanás ñakʼarichishasqanta, jinapis Jehovata kasukullarqapuni. Ajinamanta payqa Diosta jatuncharqa, Satanás llulla kasqantataj rikucherqa.
Da 1:6, 7; 3:8-30. Hananiaswan, Misaelwan, Azariaswanqa (Sadrac, Mesac, Abednego ima) Diosta kasukullarqankupuni. Paykunaqa laurashaj hornopi ruphachisqa kayta ajllarqanku Diosta wasanchanankumanta nisqaqa. Jehová paykunata laurashaj hornomanta salvajtintaj, rey Nabucodonosorqa Jehovata jatuncharqa tukuy runaspa ñaupaqenpi.
Qhatiykachasqa kaspaqa wajkunaman astawan willayta atisunman
Chaymanta parlaj versículos:
Hch 11:19-21. Ñaupa tiempomanta cristianosqa qhatiykachasqas kaspa tukuynejman chʼeqerachisqa karqanku, tukuy chay lugarespitaj sumaj willaykunata willarqanku.
Flp 1:12, 13. Apóstol Pabloqa preso kasqanrayku aswan ashkha runasman sumaj willaykuna willakusqanmanta kusisqa kasharqa.
Qhatiykachayta aguantasqanchejqa hermanosninchejta kallpachanman
¿Pikunataj Diospa kamachisninta qhatiykachachiyta yachanku?
Jer 26:11; Mr 3:6; Jn 11:47, 48, 53; Hch 25:1-3
Chaymanta parlaj versículos:
Hch 19:24-29. Efesomanta wakin runasqa santosta ruwaspa trabajaj kanku. Cristianos Efesopi mana santosta yupaychanata willajtinkutaj, paykunaqa yuyarqanku manaña negocionkupi qolqeta gananankuta. Chayrayku paykunaqa cristianosta qhatiykacharqanku.
Gál 1:13, 14. Pabloqa (nisunman Sauloqa) manaraj cristiano kashaspa judiospa religionninkupi mayta ñauparisharqa, chayraykutaj payqa cristianosta qhatiykacharqa.
¿Pitaj cristianosta qhatiykachachin?
Kaykunatapis qhawaykurillawajtaj
CREEYNINKUMANTA YACHAKUNACHEJ
Diosqa: Eliasta sonqocharqa
¿Imastaj Eliasta manchayta llakicherqa wañuyta munananpaj?
BIBLIAMANTA YACHAKUNAPAJ
Mana kʼumuykukorqankuchu
Sadracwan, Mesacwan, Abed-negowanqa mana Babiloniamanta reypa qori santoman kʼumuykukorqankuchu.
BIBLIAMANTA YACHAKUNAPAJ
Uj ángel Ezequiasta yanapan
Judá llajtaj enemigosnenqa nerqanku: “Jehovaqa mana salvasonqachejchu”, nispa. Jinapis may pantasqa kasharqanku.
JESUSMIN ÑAN, CHEQA KAJTAJ, KAUSAYTAJ
Jesusta Anaspa wasinman pusanku chantá Caifaspaman
Jesusta mana leyesman jinachu juchacharqanku.
BIBLIAMANTA YACHAKUNAPAJ
Uj carcelero Diosmanta yachakun
¿Imajtintaj kay capitulopi parlan supaymanta, terremotomanta, uj espadamantawan?
