¿Pikunataj riyta atinku?

Tukuy runas riyta atinku. Qanpis amigosniykita, familiaykitawan pusawaj.

¿Mashkha horastataj kanqa?

Uj horata jina kanqa.

¿Maypitaj ruwakonqa?

Chayta yachanaykipaj lugarniykimanta Jehovaj testigosninta tapuriy.

Chay tantakuyman rispa, ¿paganaychu kanqa chayri ima compromisotachu ruwanay kanqa?

Mana.

Chay tantakuypi, ¿qolqeta qonachu tiyan?

Mana. Jehovaj testigosnenqa tantakuykunasniykupi ni pimanta qolqeta mañaykuchu (Mateo 10:8).

¿Imayna vistisqataj rina tiyan?

Mana mosoj ropayojpunichu rina tiyan. Jehovaj testigosnenqa chay sumaj tantakuypaj jina vistikuyku, Biblia nisqanman jina wajkunata jatunpaj qhawaspa, allin yuyaywantaj.

¿Imastá Jesuspa Wañuyninta Yuyarinapaj tantakuypi ruwakun?

Chay tantakuypeqa kallpachanawanchejpaj jina uj discurso kanqa. Chay discursopeqa sutʼinchakonqa imajtinchus Diosninchej, Jesusta noqanchejrayku wañunanpaj kachamusqanta, imaynatachus Jesuspa wañuyninwan yanapachikunatapis. Chay tantakuyta qallarinapaj, tukuchanapajpis takikonqa, uj oracionta ima ruwakonqa.

Astawan yachanaykipajqa, “¿Jehovaj testigosnin waj iglesias jinachu Señorpa Cenanta ruwanku?” nisqa yachaqanata leeriy.

Qhepan wataspi, ¿ima fechaspitaj Jesuspa Wañuyninta Yuyarinapaj tantakuy ruwakonqa?

2027: Lunes 22 de marzo

2028: Domingo 9 de abril

2029: Jueves 29 de marzo