Chaymanta parlaj versículos:

• Sl 78:40, 41; 106:36-46. Israelitas sapa kuti Jehovaj sonqonta nanachejtinkupis, Jehovaqa paykunata kutin kutita perdonallarqapuni.

• Lu 15:11-32. Jesusqa uj khuyakoj tatamanta parlarqa Jehová perdonananpaj wakichisqa kasqanta yachachinanpaj. Payqa nerqa uj tataj wawan sajra imasta ruwasqanta, wawan pesachikojtintaj perdonasqanta.

Chaymanta parlaj versículos:

• Heb 9:22-28. Pabloqa sutʼincharqa Jesús kausayninta qosqanraykulla Jehová juchasninchejmanta perdonayta atiwasqanchejta.

• Ap 7:9, 10, 14, 15. Apóstol Juan nin jina, Diosqa “may chhika” runasmanta kajkunaj juchasninkuta perdonan Jesuspa wañuyninpi creesqankurayku.

Chaymanta parlaj versículos:

• Job 42:7-10. Jehovaqa manaraj Jobta sanoyachishaspa, nirajtaj bendecishaspa nerqa kinsa mana allin amigosninrayku mañapunanta.

• Mt 18:21-35. Jesusqa uj kikinchaywan yachacherqa Jehová perdonanawanchejpaj, noqanchejpis wajkunata perdonana kasqanta.

Chaymanta parlaj versículos:

• Sl 32:1-5; 51:1, 2, 16, 17. Rey Davidqa jatun juchasta ruwasqanrayku sonqo nanasqa, may llakisqataj kasharqa, chayrayku sonqomantapacha pesachikorqa.

• Snt 5:14-16. Santiagoqa sutʼincharqa pillapis jatun juchata ruwajtin ancianoswan parlanan kasqanta.

Chaymanta parlaj versículos:

• 1Re 21:27-29; 2Cr 18:18-22, 33, 34; 19:1, 2. Rey Achabqa Jehová castigananta yachaspa kʼumuykukorqa, chayrayku Jehovaqa payta tumpata khuyakorqa. Jinapis Achabqa tiempowan rikucherqa mana pesachikusqanta, chayrayku Jehovaqa mana payta perdonarqachu, wañuchisqa kanantataj saqerqa.

• 2Cr 33:1-16. Rey Manasesqa millay imastapuni ruwarqa, jinapis sonqomantapacha arrepientekojtin Jehová payta perdonarqa. Payqa ruwasqasninwan rikucherqa arrepientekusqanta, chayrayku llajtamanta santosta chinkacherqa, runastataj yanaparqa Jehovallata yupaychanankupaj.

Chaymanta parlaj versículos:

• 2Sa 12:13; 24:1; 1Re 9:4, 5. Davidqa jatun juchasta ruwarqa, jinapis Jehovaqa payta perdonarqa tukuy sonqo arrepientekusqanrayku, aswan qhepamantaj nerqa Davidqa llimphu sonqo kasqanta.

Chaymanta parlaj versículos:

• Mt 26:36, 40, 41. Jesuswanpuni kaj kanku chay discipulosqa, Jesús astawan yanapata necesitashajtin puñurparerqanku. Jinapis Jesusqa yacharqa paykuna saykʼusqa kasqankurayku puñurparisqankuta.

• Mt 26:69-75; Lu 24:33, 34; Hch 2:37-41. Pedroqa kinsa kutita nerqa Jesusta mana rejsisqanta, jinapis Jesusqa payta perdonarqa pesachikusqanrayku. Jesusqa wañuymanta kausarimuytawan Pedroman sapallanpi rikhurerqa, chaymanta qhepamantaj congregacionpi sumaj ruwaykunata payman qorqa.

Chaymanta parlaj versículos:

• Mt 23:29-33. Jesusqa nerqa puraj uya fariseos, leymanta yachachejkunapis juzgasqa kaspa Hinón wayqʼoman wijchʼusqa kanankuta, nisunman wiñaypaj chinkachisqa kanankuta.

• Jn 17:12; Mr 14:21. Jesusqa Judas Iscariotemanta parlaspa nerqa chinkachisqa kananta. Chantapis nillarqataj: “Aswan allin kanman karqa chay runapajqa mana nacekunan”, nispa.