Salmos 103:1-22
Davidpa takiynin.
103 Noqaqa Jehová Diosta jatunchasaj.
Tukuy sonqoywan santo sutinta jatunchasaj.
2 Noqaqa Jehová Diosta jatunchasaj.
Ni jaykʼaj qonqasajchu tukuy ruwasqasninta.+
3 Payqa tukuy pantasqasniyta perdonawan,+tukuy nanayniyta thañichiwan.+
4 Payqa pʼampakunay tʼoqomanta salvawan.+
Payqa munakuwan khuyakuwantaj.+
5 Allin imaswan+ kausayniyta juntʼachin,águila jina jovenllapuni kanaypaj, wapu kanaypaj.+
6 Jehová Diosqa cheqan kajta ruwan,+ justiciata ruwantukuynin sarurasqa runaspaj.+
7 Payqa ñankunasninta Moisesman rejsicherqa.+
Payqa ruwasqasninta Israelpa wawasninman rejsicherqa.+
8 Jehová Diosqa khuyakoj Dios, kʼacha sonqoyojtaj,*+payqa pacienciayoj,* may jina munakuyniyojtaj.+
9 Payqa mana pantasqasninchej qhawarisqallachu kanqa,+nitaj wiñaypajchu phiñakonqa.+
10 Mana juchasninchejman jinachu castigawanchej,+nitaj pantasqanchejman jinachu pagachiwanchej.+
11 Imaynatachus cieloqa jallpʼamanta allin patapipuni kashan,ajinallataj Diospa munakuynenqa may jina jatun payta manchachikojkunapaj.+
12 Imaynatachus inti llojsimuy ladoqa may jina karupi kashan inti yaykuy ladomanta,ajinata Diosqa pantasqasninchejta noqanchejmanta may jina karuman churan.+
13 Imaynatachus uj tata wawasninta khuyakun,ajinallatataj Jehová Diosqa payta manchachikojkunata khuyakun.+
14 Diosqa allinta yachan imayna ruwasqachus kasqanchejta,+payqa yuyarikun jallpʼalla kasqanchejta.+
15 Wañoj runaqa qʼomer qhora jina pisillata kausan.+
Campo tʼika jina uj ratollapaj tʼikarparin.+
16 Wayra phukurimojtintaj chinkaripun,manapis kanmanchu karqa jina.
17 Jehová Diospa munakuynintajrí wiñaypaj wiñaynintinpajpayta manchachikojkunapaj.+
Justicianpis wawaspa wawasninpaj,+
18 pikunachus tratonta valechinku chaykunapaj,+kamachisqasninta sumajta kasukunku chaykunapajpis.
19 Jehová Diosqa kamachina tiyananta cielopi sumajta sayachin.+
Payqa Rey jina tukuy imata gobernashan.+
20 Jehová Diosta jatunchaychej, qankuna may jina atiyniyoj angelesnin.+
Qankuna paypa nisqanta uyarispa+ kasukojkuna, payta jatunchaychej.
21 Jehová Diosta jatunchaychej, qankuna ejercitosnin kajkuna.+
Qankuna Diosta sirvejkuna, munayninta ruwajkuna, payta jatunchaychej.+
22 Jehová Diosta jatunchaychej, paypa tukuy ruwasqasnin,
payta jatunchaychej maypichá pay gobernashan chay tukuy lugarespi.
Noqaqa Jehová Diosta tukuy sonqoywan jatunchasaj.
Sutʼinchaykunasnin
^ Kʼacha sonqoyoj: waj lugarespi ninku jatun sonqoyoj.
^ Chayri “mana usqhayllata phiñarparikoj”.
