Miqueas 6:1-16
6 Ipangasi yo, dengel yoy ibabaga nen Jehova.
Alagey kayo, iyarap yoy kaso yo diad arap na kapalandeyan,Tan narengel komon na saray pukdol so boses yo.+
2 Dengel yo, O kapalandeyan, so kason iyarap nen Jehova,Sikayo ran malet a pundasyon na dalin,+Ta walay kason iyarap nen Jehova ed saray totoo to;Sikatoy mikatunongan ed Israel:+
3 “O totook, anto tay ginawak ed sikayo?
Diad anton paraan a kinesaw ta kayo?+
Mantasi kayo sumpad siak.
4 Ta impaway ta kayo ed dalin na Ehipto,+Dinondon ta kayo ed abung ya akaaripenan yo;+Imbakik ed sikayo si Moises, Aaron, tan Miriam.+
5 O totook, ipangasi yon nonoten no antoy ginetma nen Arin Balak na Moab,+Tan no antoy inyebat ed sikato nen Balaam ya anak nen Beor+—No antoy agawa ed Sitim+ ya anggad Gilgal+—Pian naamtaan yo iray matunong a ginawa nen Jehova.”
6 Antoy awiten ko no onarap ak ed si Jehova?
Antoy awiten ko no ondakmomo ak ed arapan na Dios a walad katageyan?Mangawit ak kasi ed arapan to na saray interon apay a popoolan,Tan saray kilaw a baka a mantaon na sakey?+
7 Kasin naliketan si Jehova ed nilibon kalakian a karnero,Ed samplon libolibo ya ilog na larak?+
Kasin iter koy panguloan ya anak kon laki parad impanrebeldek,Say bunga na eges ko parad kasalanan ko?*+
8 Imbaga to lad sika, O too, no antoy maabig.
Tan anto so kakaukolanen* nen Jehova ed sika?
Say pangipatnag mo labat na inkahustisya,*+ pangarom ed katooran,*+Tan say mapaabeban panakar mo+ a kaibay Dios mo!+
9 Ontatawag ed syudad so boses nen Jehova;Ontakot ed ngaran mo iramay walaay makanan karunongan.
Imano yo so lewet tan samay angiganggan ed satan.+
10 Wadman ni kasi ed abung na mauges iray kayamanan na kaugsanTan say kulang a sukat ya efa,* a saya et kabkabusol?
11 Nipasen ak kasin malinis ed moral* no mangusar ak na mauges a simbangan,Tan say supot a nankarga na saray masaol a panagsimbang a bato?+
12 Ta napnoy maruksan kagagawa iray mayayaman a totoo to,Tan mansasalita na katilaan iray manaayam ed sikato;+Mapalikdon dila so walad sangi ra.+
13 “Kanian pekpeken ta ka pian nasugat ka,+Tan pagmaliwen ta kan agnapanayaman lapud saray kasalanan mo.
14 Mangan ka, balet agka napesel;Naerasan ka.+
Antokaman ya inekal mo et agmo naawit,Tan antokaman a naawit mo et iter kod espada.
15 Mantanem kay bukel, balet agka manani.
Manggatin ka na saray olibo, balet agmo nausar so larak;Tan manggawa kay balon alak, balet anggapoy nainum mon alak.+
16 Ta tutumboken yo iray ganggan nen Omri tan amin a kagagawa ed sankaabungan nen Ahab,+Tan manaakar kayo unong ed simbawa ra.
Kanian pagmaliwen ta kayon bengatlan pakataktakotanTan balbalawen* iray manaayam ed sikato;+Tan akoen yoy panagbalaw na saray totoo.”+
Paimanod leksab
^ Odino “kasalanan na kamarerwak?”
^ Odino “pagmaliw mon maong tan matoor ed panangarom.” Literal, “pangarom ed matoor a panangaro.”
^ Odino “Say pagmaliw mon maptek; Say pagmaliw mon patas.”
^ Odino “kasalat a kekerewen.”
^ Nengnengen so Apendise B14.
^ Odino “andiay kasalanan.”
^ Literal, “panngisiwan.”
