Miqueas 2:1-13
2 “Pakaskasi la iramay manggegetmay makapasakit,Saramay manplaplano na mauges legan a wala rad dukolan!
Gagawaen da itan ed kaliwawa na kabuasan,Lapud walaan ira na pakayarin gawaen itan.+
2 Pipilaleken da iray uma tan sasamsamen da iratan;+Ontan met ed saray kaabungan, tan aalaen da iratan;Sasaolen day sakey a laki pian naala ra so abung to,+Say sakey a laki pian naala ra so tawir to.
3 Kanian oniay inkuan nen Jehova:
‘Nononoten kon idapo ed sayan pamilya so kadederal+ a diad satan et agkayo makaliktar.*+
Agkayo la manakar a mapaatagey,+ ta panaon itan na kadederal.+
4 Diad satan ya agew et ibalikas na totoo so sakey a proverbio nipaakar ed sikayo,Tan onakis iray ampaipait lapud sikayo.+
Ibaga ra: “Aderal kamin amin!+
Inter tod arum so apag na totook—talagan inekal tod siak itan!+
Impabtang tod samay agmatoor iray kaumaan mi.”
5 Kanian anggapoy mangiyunat na lubir a panagsukat parad sikayoPian apagen to so dalin diad kongregasyon nen Jehova.
6 “Agkayo manpupulong!” so ipupulong da,“Agda nepeg ya ipulong irayan bengatla;Agkami naabotan na kababaingan!”
7 O sankaabungan nen Jacob, onia tay ibabaga ra:
“Agla kasi makaanos so espiritu nen Jehova?
Saraya kasi so gagawaen to?”
Agta saray salitak et mangiter na kaabigan ed saramay mankukurang ed kaptekan?
8 Balet diad agano ni et kinalaban ak na totook.
Parungtalan yon inekal so alay abig a parakep a kaiba na* kawesManlapud saramay matalek ya ondadalan, a singa saramay ompapawil manlapud guerra.
9 Pinataynan yod mararakep ya abung da iray bibii ed saray totook;Inala yod saray ananak da so gloriak, tan agyo lan balot impawil.
10 Alagey kayo tan taynan kayo, ta aliwa iyan pasen a panagpainawaan.
Lapud inkarutak+ et walay kadederal, sakey a graben kadederal.+
11 No say sakey a too et ontumbok ed dagem tan panagpalikdo tan ibaga to iyan tila:
“Ipulong kod sika so nipaakar ed alak tan de-alkohol ya iinumen,”
Sikato so managpulong a manepeg ed sarayan totoo!+
12 Tiponen ta kayon amin, O Jacob;Seguradon tiponen ko iray akeraan ed Israel.+
Tiponen ko rad saksakey a pasen, singa saray karnero ed pukokan,Singa sakey a pulok ed panagpastolan to;+Magmaliw a maingal ditan lapud saray totoo.’+
13 Samay mangilukas na dalan et onlad unaan da;Nabulos ira tan ondalan ira ed puerta, tan ompaway ira ditan.+
Ondalan ed unaan da so ari ra,Tan iwanwan ira nen Jehova.”+
