Miqueas 3:1-12
3 Inkuan ko: “Dengel kayo, ipangasi yo, sikayo ran papangulo na JacobTan sikayo ran komandante ed sankaabungan na Israel.+
Agta kaukolan yon amtaen no anto so maptek?
2 Balet bubusolen yoy kamaongan+ tan aaroen yoy kaugsan;+Kakatatan yo iray totook tan eekalan yo na laman iray pukel da.+
3 Kakanen yo met so laman na saray totook+
Tan kakatatan yo ra,
Tetemeken yo iray pukel da, tan memekmeken yo iratan,+
Singa samay iluluto ed kaldero,* singa karne a walad kaldero a panlulutoan.
4 Diad satan a panaon et onkerew ira na tulong ed si Jehova,Balet agto ra ebatan.Diad satan a panaon et iyamot toy lupa tod sikara,+Lapud saray mauges a kagagawa ra.+
5 Oniay inkuan nen Jehova ed saray propetan mangibabalang ed saray totook,+A mangipapakabat na, ‘Kareenan!’+ legan dan ikeketket iray* ngipen da,+Balet iyaabawag* day guerra ed samay anggapoy nisubo tod sangi ra:
6 ‘Labi so niwalad sikayo;+ anggapoy pasingawey;+Kabilungetan labat so niwalad sikayo, anggapoy panagparles.
Onselek so agew ed saray propeta,Tan ombilunget so agew ed sikara.+
7 Nabaingan iray makakanengneng na pasingawey,+Tan nadismaya iray managparles.
Amin da et saniban day balbas da,*Ta ag-ira ebatan na Dios.’”
8 Balet lapud espiritu nen Jehova et napno ak na pakayari,Tan inkahustisya tan biskeg,Pian ibagak ed Jacob so impanrebelde to tan ed Israel so impankasalanan to.
9 Dengel yo iya, ipangasi yo, sikayo ran papangulo ed sankaabungan nen JacobTan sikayo ran komandante ed sankaabungan na Israel,+A mamubusol ed inkahustisya tan mamipikewet ed amin a maptek,+
10 A mangipapaalagey ed Sion diad panamegley na panagpaagus na dala tan ed Jerusalem diad panamegley na ag-inkatunong.+
11 Manguukom iray lider* to lapud pasuksok,+Manbabangat iray saserdote to lapud upa,+Tan manpaparles iray propeta to lapud kuarta.*+
Balet siansian maniilalo rad si Jehova,* ya ibabaga ran:
“Agta walad sikatayo si Jehova?+
Anggapoy onsabin kadederal ed sikatayo.”+
12 Kanian lapud sikayo,Say Sion et nabaka a singa sakey ya uma,Say Jerusalem et magmaliw a bunton na saray geray,+Tan say palandey a kawalaan na Abung* et magmaliw a singa saray atagey a pasen ed katakelan.*+
Paimanod leksab
^ Odino “kaldero a baleg so sangab to.”
^ Odino posiblin, “sano walay gagatgaten na saray.”
^ Literal, “papasantosen.”
^ Odino “saniban day sangi ra.”
^ Literal, “iray ulo.”
^ Odino “pilak.”
^ Odino “ibabaga ran maniilalo ra ed si Jehova.”
^ Odino “templo.”
^ Odino “singa kakiewan a walad pukdol.”
