Zaburi 76:1-12
Ne jatend wer. Wendni onego ower gi gige thum ma nigi tonde migwelo. Zaburi mar Asaf.+ Wer.
76 Nyasaye nigi huma e Juda;+Nyinge duong’ e Israel.+
2 Hema mare ni Salem,+Kendo kar dakne ni Sayun.+
3 Kanyo e ma ne oturoe aserni makakni,Gi okumbni, gi ligengni, kod gige lweny.+ (Sela)
4 Lerni rieny ahinya;Duong’ mari oyombo gode momewo gi le.
5 Oseyak jolweny ma jochir.+
Kendo koro gisenindo;Jolwenjgo duto ne onge teko kata matin.+
6 A Nyasach Jakobo, ka ne ikumogi,Faras gi ng’at moidhe ne ogore piny motho.+
7 In kendi e ma onego oluori.+
Ere ng’at ma nyalo chung’ e nyimi ka in gi mirima?+
8 Ne ing’ado bura ka in e polo;+Luoro ne omako piny mi oling’ thi.+
9 Nyasaye ne ochung’ mondo ong’ad bura,Kendo reso jo mamuol manie piny.+ (Sela)
10 Adier, mirimb dhano biro mana paki;+Ibiro bidhori gi mirimbgi modong’.
11 Singreuru ne Jehova Nyasachu, kendo uchop singou,+Jogo duto mokiewo kode mondo okelne mich kendo miye luor.+
12 Obiro miyo jotelo ma wigi tek obolre;Omiyo ruodhi mag piny bedo maluor.
