Zaburi 19:1-14
Ne jatend wer. Wend Daudi.
19 Polo lando duong’ mar Nyasaye;+Kendo kor polo nyiso tich lwete.+
2 Gibubni gi wach odiechieng’ kodiechieng’,Kendo ginyiso rieko otieno kotieno.
3 Ok giwuo, kendo gionge weche;Dwondgi bende ok winji.
4 To wechegi* osechopo kuonde duto e piny,Kendo otegi osechopo e tung’ piny duto.+
Oseguro hema ne wang’ chieng’ e polo;
5 Ochalo ka wuon kisera mowuok e ode;Oil ka ng’at ma ratego ma piem e ng’wech.
6 Owuok gie polo konchiel,Kendo olworore nyaka komachielo;+Lietne chopo ne gik moko duto.
7 Chik Jehova ni kare chuth,+ oduogo chuny.+
Weche ma Jehova paronwa inyalo gen,+ gimiyo ng’at ma onge rieko bedo mariek.+
8 Chike mag Jehova ni kare, gimiyo chuny mor;+Chik Jehova ler, giyawo wang’.+
9 Luoro Jehova+ liw, osiko nyaka chieng’.
Buche Jehova gin adier, kendo gin kare giduto.+
10 Gibeyo moloyo dhahabu,Giloyo kata mana dhahabu malerie moloyo,+Bende, gimit moloyo mor kich+ maton ka a e peth kich.
11 Gimiyo jatichni siem;+Ng’at ma ritogi yudo pok maduong’.+
12 Ere ng’ama nyalo ng’eyo kethone owuon?+
Wena kethona mopondo.
13 Geng’a mondo kik atim richo nikech wich-teko;+Kik iwe giloya.+
Eka anabed ng’at moromo chuth,+Kendo ok noyuda gi richo madongo.
14 Mad weche ma a e dhoga kod weche maparo e chunyaObed ma mori,+ A Jehova, Lwandana+ kendo Jawarna.+
Weche Moler Piny
^ Kata nyalo bedo, “tol mar pimo.”
