Zaburi 22:1-31

  • Yudo pak bang’ bedo gi chuny monyosore

    • “Nyasacha, iweya nang’o?” (1)

    • “Gigoyo ombulu ne nangana” (18)

    • Pako Nyasaye e chokruok (22,25)

    • Piny duto biro lamo Nyasaye (27)

Ne jatend wer. Wendni onego ower e dwol mar “Mwanda Mokinyi.”* Wend Daudi. 22  Nyasacha, Nyasacha, iweya nang’o?+ Ang’o momiyo in mabor koda ma ok inyal resa,Kata winja sa ma aywak nikech achandora?+   A Nyasacha, aseluongi odiechieng’ mangima to pok idwoka;+Gotieno bende ok awe ywakni.   To in iler,+Kendo Jo-Israel olwori gi pak.   Wuonewa ne ogeni;+Ne gigeni kendo ne iresogi kinde duto.+   Ne giywakni mi iresogi;Wigi ne ok okuot nikech ne gigeni.+   An to an mana kudni to ok dhano,An ng’at ma ji okwedo kendo ochayo.+   Ji duto ma nena jara;+Gitwenyo umgi, kendo ginyiera ka gikino wigi. Giwacho niya:+   “Ne ogeno Jehova. We mondo Nyasacheno koro orese! We mondo Nyasacheno orese ane nikech ohere ahinya!”+   In e ma ne igola e ich,+In e ma ne imiyo awinjo ka an gi kuwe ka ne pod adhoth. 10  Ne oketa e lweti mondo irita chakre ne nyuola;Isebedo Nyasacha chakre abed e ich. 11  Kik ibed mabor koda, nikech chandruok chiegni juka,+To onge ng’at machielo ma dikonya.+ 12  Nyiruedhi mang’eny olwora;+Ruedhi ma roteke mag Bashan olwora koni gi koni.+ 13  Ging’amona dhogi,+Ka sibuor ma kidho le moro momako.+ 14  Oseola piny ka pi;Chokena duto osewil. Chunya chalo gi odok,+Oleny e iya.+ 15  Aonge teko, achalo mana mbalatago;+Lewa moko e danda;+Ikela e bur mondo atho.+ 16  Jo maricho olwora koni gi koni;+Gilwora mana ka guogi moketa e diergi,+Gichalo sibuor ma dwaro chamo lwetena gi tiendena.+ 17  Anyalo kwano chokena duto.+ Ging’iya kendo gichomo wengegi kuoma tir. 18  Gipogore lepa e kindgi,Kendo gigoyo ombulu ne nangana.+ 19  To in, A Jehova, kik ibed mabor koda.+ In e mimiya teko, omiyo, bi piyo mondo ikonya.+ 20  Res ngimana kuom ligangla,Res ngimana kuom koke guogi;+ 21  Resa kuom dho sibuor+ kendo kuom tunge ruedhi mager;Yaye, winja mondo iresa. 22  Analand nyingi ne owetena;+Anapaki ka an e chokruok.+ 23  Pakuru Jehova, un jo ma oluore! Miyeuru duong’, un nyikwa Jakobo duto!+ Miyeuru luor, un nyikwa Israel duto. 24  Nikech pok ochayo kata jwang’o chandruoge mag ng’at misando;+Pok opandone wang’e.+ To ka ne owinjo ywakne, nokonye.+ 25  Anapaki e chokruok maduong’;+Abiro chopo singruokna e nyim jo moluoro Nyasaye. 26  Jo mamuol biro chiemo mi yieng’;+Jo ma manyo Jehova biro pake.+ Mad gidag* nyaka chieng’. 27  Ogendni duto manie piny nopar Jehova kendo ginidog ire. Dhoudi duto mag piny biro kulore e nyimi.+ 28  Nikech loch en mar Jehova;+Olocho e wi ogendni duto. 29  Jomwandu duto biro chiemo kendo gibiro kulorene;Ji duto ma dhi piny e lowo biro goyone chonggi piny;Onge kata ng’ato achiel kuomgi ma nyalo rito ngimane. 30  Nyikwagi biro tiyone;Ibiro nyis tieng’ ma biro wach Jehova. 31  Ginibi mi gihul timne makare. Ginihul gik ma osetimo ne jo ma pok onyuol.

Weche Moler Piny

Nyalo bedo ni ma ne en dwol kata thum ma ne iwerogo zaburini.
Hibrania, “Adundogi mondo obed mangima.”