Zaburi 33:1-22
33 Un jo makare, koguru gi mor nikech gik ma Jehova osetimo.+
Owinjore jo matir opake.
2 Pakuru Jehova gi nyatiti kugoyone erokamano;Werneuru gi gir thum molos gi tonde apar.
3 Werneuru wer manyien;+Werneuru matek kumor, kendo ugone thum mamit.
4 Nikech wach Jehova ni kare,+Kendo wanyalo geno gik moko duto motimo.
5 Jehova ohero tim makare kod bura makare.+
Piny duto opong’ gi herane mosiko.+
6 Kokalo kuom wach moa e dho Jehova, polo nobetie,+Kendo kokalo kuom much dhoge gik moko duto manie polo nobetie.
7 Ochoko pige mag nembe madongo mana ka yawo;+Okano pige ma ringo matek e ute keno.
8 Piny duto mondo oluor Jehova.+
Ji duto manie piny mondo oluore.
9 Nikech ne owuoyo mi otimore kaka nowacho;+Nogolo chik mi otimore kaka nochiko.+
10 Jehova oserocho chenro maricho mag ogendni;+Osethiro gik ma ji chano timo.+
11 To dwach Jehova siko nyaka chieng’;+Gima chunye dwaro timore e tienge duto.
12 Oganda mamor en ma Jehova e Nyasachgi,+Oganda moseyiero mondo obed joge.+
13 Jehova ng’iyo piny ka en e polo,Kendo oneno ji duto.+
14 Ka en ka ma odakie,Oneno ji duto modak e piny.
15 En e mochueyo chuny ji duto,Kendo onono gik moko duto ma gitimo.+
16 Oganda lweny maduong’ ok e ma mi ruoth lo lweny;+Ng’at ma ratego ok nyal tony nikech tekrene owuon.+
17 Keto geno kuom faras ok nyal konyo ng’ato;+Tekone ng’eny, to ok onyal reso ng’ato.
18 Wang’ Jehova ng’iyo jo moluore,+Kod jo mogeno herane mosiko.
19 Mondo oresgi kuom tho,Kendo oritgi e ndalo kech.+
20 Wan waketo genowa kuom Jehova.
En e mokonyowa kendo en e okumbawa.+
21 Chunywa mor kode,Nikech wageno nyinge maler.+
22 A Jehova Nyasaye, yie mondo herani mosiko obed kodwa,+Nikech in e ma wageni.+
