Zaburi 72:1-20
Zaburi ma wuoyo e wi Solomon.
72 A Nyasaye, puonj ruoth bucheni,Kendo ipuonj wuod ruoth chikeni makare.+
2 Konye ng’ado ne jogi bura makare,Kendo yalo buch jo ma sandore gadiera.+
3 Gode madongo kod matindo mondo okel ne ji kuwe,Nikech timgi makare.
4 Mad ong’ad bura makare ne jo ma sandore.
Kendo reso nyithind jochan,Mi otiek ng’at ma diyo ji.+
5 Gibiro luori ndalo duto,Mana kaka wang’ chieng’ gi dwe osiko karieny.
Giniluori e tiengegi duto.+
6 Obiro chalo gi koth ma chue e lum mong’ad maber,Kendo gi koth ma miyo piny ng’ich.+
7 E ndalone, jo makare biro dhi maber,+Kendo kuwe biro bedo mogundho+ nyaka dwe nolal nono.
8 Lochne biro chakre e nam achiel nyaka e nam machielo,Kendo e Aora* nyaka e tung’ piny.+
9 Ogendini modak e thim biro kulorene,Kendo wasike biro nang’o lowo.+
10 Ruodhi mag Tarshish kod mag chulni biro kelone gik moko.+
To ruodhi mag Sheba gi mag Seba biro miye mich.+
11 Ruodhi duto biro kulorene,Kendo ogendni duto biro tiyone.
12 Nimar obiro reso jachan ma ywakne,Bende, obiro reso ng’at ma sandore ma onge ng’at ma dikonye.
13 Obiro kecho jo ma sandore kaachiel gi jochan,Kendo obiro reso ngima jo modhier.
14 Obiro golonegi gik ma diyogi kaachiel gi timbe mahundu,Kendo rembgi nobed gi nengo maduong’ e nyime.
15 Mad odag aming’a, kendo kelne dhahabu moa Sheba,+
Mad ji duto sik ka lamoneKendo guedhe odiechieng’ duto.
16 Cham nobed mang’eny e piny;+Cham nochieg nyaka e wi gode.
Olembene biro nyak mana ka olembe ma nyak Lebanon,+Kendo taonde biro pong’ gi ji mana ka lum manie pap.+
17 Mad nyinge sik nyaka chieng’.+Mad nyingeno sik ndalo duto ma wang’ chieng’ nitie.
Mad oguedh ogendni duto,+Kendo mad ogendni duto kwane ka ng’at mamor.
18 Mad Jehova Nyasach Israel yud pak,+En kende e motimo gik miwuoro.+
19 Mad nyinge maduong’ opak nyaka chieng’,+Mad duong’ne opong’ piny duto.+
Amin kendo Amin.
20 Ma e giko lamo mag Daudi wuod Jesse.+
Weche Moler Piny
^ Tiende ni, Yufrate.
