Zaburi 37:1-40
Zaburi mar Daudi.
א [Aleph]
37 Kik chunyi chandre nikech timbe joricho,Kata kik ine nyiego ne joricho.+
2 Nikech gibiro ner mapiyo mana ka lum,+Kendo gibiro two mana kaka oboke mang’ich two.
ב [Beth]
3 Gen Jehova kendo itim maber;+Dag e piny kendo ibed ja adiera.+
4 Yud mor maduong’ kuom Jehova,To obiro miyi gik moko duto ma chunyi gombo.
ג [Gimel]
5 We mondo Jehova ota yoreni;+Gen kuome, eka notimni kaka ikwaye.+
6 Obiro miyo timni makare orieny ka ler mokinyi,Kendo timni matir orieny ka ler modiechieng’.
ד [Daleth]
7 Ling’ thi e nyim Jehova+Kendo irite kihori mos.
Kik chunyi chandre ka ng’ato chano gik marichoKendo gik mochanogo chopo kare.+
ה [He]
8 We mirima, kendo kik iwe iyi owang’;+Kik iyi wang’, mano nyalo miyo idonj e richo.*
9 Nimar ibiro tiek jo maricho,+To jo mogeno kuom Jehova e ma nobed weg piny.+
ו [Waw]
10 Odong’ mana kinde matin, to joricho ok nobedie;+Inimanygi kuonde ma ne gintie,To ok ibi yudogi.+
11 To jo mamuol nobed weg piny,+Kendo ginibed mamor ahinya nikech ginidag gi kuwe.+
ז [Zayin]
12 Ng’at ma timbene richo chano timo marach ne ng’at makare;+Okayo lekene gi mirima.
13 To Jehova biro nyiere anyiera,Nimar ong’eyo ni odiechieng jalo biro chopo.+
ח [Heth]
14 Joricho wuodho ligengnigi kendo giywayo tonde mag atungegiMondo gitiekgo jo ma sandore kod jo modhier,Kendo gineggo jo ma yoregi oriere tir.
15 To ligengnigi biro chuoyo adundogi giwegi,+Kendo atungegi biro tur.
ט [Teth]
16 Gima tin ma ng’at makare nigo berMoloyo mwandu mathoth ma joricho nigo.+
17 Nimar Jehova notur bede jo ma timbegi richo,To norit jo makare.
י [Yod]
18 Jehova ong’eyo gik ma jo ma onge ketho kaloe,Kendo enomigi pok ma nosik nyaka chieng’.+
19 Ok gibi chandore e kinde mag masira,Kendo gibiro bedo gi chiemo mathoth ndalo kech.
כ [Kaph]
20 To jo ma timbegi richo biro tho;+Wasik Jehova biro ner kaka lum mang’ich manie pap ner;
Gibiro lal nono ka yiro.
ל [Lamed]
21 Jaricho holo gimoro to ok ochul,To ng’at makare ng’won kendo ojachiwo.+
22 Jo ma Nyasaye oguedho nobed weg piny,To obiro tieko jo mokuong’o.+
מ [Mem]
23 Ka Jehova oyie gi ng’ato,+Obiro taye e yo monego oluw.+
24 Kata kochwanyore, ok obi podho piny,+Nikech Jehova omako lwete.+
נ [Nun]
25 Chakre tinna nyaka koro abedo moti,Pok aneno kojwang’ ng’at makare,+Kata mana nyithinde ka kwayo chiemo.+
26 Kinde duto ochiwoga gigene nono,+Kendo ibiro guedh nyithinde.
ס [Samekh]
27 Lokri ia e richo, kendo itim gima ber,+Eka inidag nyaka chieng’.
28 Jehova ohero gima kare,Ok obi jwang’o joge momakore kode.+
ע [Ayin]
Obiro ritogi maber nyaka chieng’;+To nyithind joricho ibiro tiek.+
29 Jo makare nobed weg piny,+Kendo ginidagie nyaka chieng’.+
פ [Pe]
30 Ng’at makare wuoyo gi rieko,Kendo owacho adier.+
31 Chik Nyasache nie chunye;+Tiendene ok bi kier.+
צ [Tsade]
32 Ng’at marach kiyo ng’at makare,Kodwaro yo ma donegego.
33 To Jehova ok bi weye e lwet jarichono,+Kata weyo mondo bura oloye kiyale.+
ק [Qoph]
34 Gen Jehova kendo luw yorene,Obiro ting’i malo kendo miyi piny obed mari.
Ibiro neno gi wang’i+ kitieko jo maricho.+
ר [Resh]
35 Aseneno ng’at ma kwiny, kendo ma timbene richo,Kadhi maber mana ka yath mang’ich moloth e lowo mowinjore kode.+
36 To mapiyo nono, nolal;+Ne amanye matek, to ne ok ayude.+
ש [Shin]
37 Non ngima ng’at ma onge ketho,Kendo inon ng’at ma yorene tir,+Kuwe lilo e mobiro yudo.+
38 To joricho duto ibiro keth,Adier, ibiro ng’ad kargi oko.+
ת [Taw]
39 Jehova e ma waro jo makare;+En e kar pondo margi e ndalo mag chandruok.+
40 Jehova biro konyogi kendo resogi.+
Obiro resogi e lwet joricho,Nikech en e kar bwokgi.+
Weche Moler Piny
^ Kata nyalo bedo, “Kik iyi wang’, mano nyalo keloni hinyruok.”
