“DWARURU KUWE”!
Chokruok Maduong’ mar Joneno mag Jehova ma 2022
Warwaki gi mor mondo ine chokruok maduong’ mar ndalo adek mar Joneno mag Jehova ma higani.
Nikech tuo mar COVID-19, chokruok ma higani ibiro ket e websaitwa mar jw.org. Ibiro ket programbego mos mos e dweche mag Julai kod Agost.
Programni Ineno Nono. Ok Ochuno ni Irijista kata ibed gi Akaunt.
Gik ma Wageno Neno Kendo Winjo
Program ma Tich Abich: Ibiro puonjori kaka hera nyalo miyo ibed gi kuwe e chunyi kendo ibed gi kuwe gi jomamoko. Ibiro neno bende gimomiyo puonj manie Muma ne joma nie kend, jonyuol, kod nyithindo nyalo konyo joot mondo odag gi kuwe.
Program ma Ngeso: Be en gima nyalore mondo ibed gi kuwe sama ituori, yore mag yuto obedoni matek, masiche oyudi, kata in gi pek mamoko? Ibiro neno vidio ma nyiso gik ma ji timo e piny mangima mondo gibed gi kuwe.
Program ma Jumapil: Be wanyalo bedo osiepe Nyasaye? To be wanyalo bedo osiepene ma onge okang’ moro amora ma wakawo koso nitie gima nyaka watim e ka wabed osiepene? Ibiro yudo dwoko mag penjogo sama ibiro gol twak ma wiye wacho ni, “Wanyalo Timo Ang’o Mondo Wabed Osiepe Nyasaye?”
Ne program duto mosechan kod vidio ma wuoyo e wi chokruogewa madongo.
You May Also Like
KAKA ITIYOGA GI CHIWO MA WAGOLO
Tudo Chokruok Maduong’ e TV kod Redio
Chokruok maduong’ ma 2020 ne one kitiyo gi intanet. Kata kamano, e piny Malawi gi Mozambique intanet ok yudrega mayot. Kare ere kaka owetewa gi nyiminewa manie pinjego noyudo chokruok maduong’no?
