Zaburi 16:1-11
Miktam* mar Daudi.
16 A Nyasaye, rita nikech in e kar bwokna.+
2 Asewacho ne Jehova: “In Jehova, in e Sokona mar ber.
3 Jo maler manie piny,Gin jo ma nigi duong’, chunya mor kodgi.”+
4 Jo ma ringo dhi kuom nyiseche mamoko medo chandruogegi.+
Ok anaol misengni maggi mag remo miolo piny,Kata hulo nyinge nyisechego.+
5 Jehova e pokna, en e migapa,+ en e okombena.+
Irito mwanduna maber.
6 Osepogna kuonde mabeyo beyo.
Mwandu mosemiya oroma.+
7 Anapak Jehova, nikech en e ma ong’adona rieko.+
Kata mana gotieno, chunya* rieya.+
8 Aketo Jehova e nyima kinde duto.+
Ok anayiengni nikech en e bada ma korachwich.+
9 Kuom mano, chunya mor, ail nikech duong’ ma an-go.
Kendo adak gi kuwe.
10 Ok iniweya e Liel.*+
Ok iniwe ng’at momakore kodi odhi e bur.*+
11 Isemiyo ang’eyo yo ma tera e ngima.+
Mor mogundho opong’o ka ma intie;+Lweti ma korachwich e ma mor mosiko nitieree.
Weche Moler Piny
^ Som Tiend Weche.
^ Kata, “pacha ma iye.” Hibrania, “nyarognona.”
^ Hibrania, “Sheol.” Som Tiend Weche.
^ Kata nyalo bedo, “otow e bur.”
