Zaburi 4:1-8
Ne jatend wer. Wendni onego ower gi gige thum ma nigi tonde migwelo. Wend Daudi.
4 Ka aluongi, to yie idwoka, A Nyasacha makare.+
Yawna yo malach mondo awuog e thagruokna.
Yie ikecha kendo iwinj lamona.
2 Un yawuot ji, ubiro chayo duong’na nyaka karang’o?
Ubiro hero gik manono kendo luwo yore mag miriambo nyaka karang’o? (Sela)
3 Ng’euru ni Jehova biro dhialo ng’at momakore kode.
Jehova biro winja ka aluonge.
4 Bed gi mirima, to kik itim richo.+
Wach wecheni e chunyi ka in otandani, kendo iling’ mos. (Sela)
5 Chiwuru misengni gi chuny makare,Kendo ugen kuom Jehova.+
6 Ji mang’eny penjo niya: “En ng’a ma biro timonwa gimoro maber?”
A Jehova, ler mar lela wang’i mondo orieny kuomwa.+
7 Isepong’o chunya gi mor,Moloyo jo ma nigi cham kod divai mang’eny.
8 Anapielra piny kendo nindo notera mos,+Nimar in Jehova e ma imiyo adak gi kuwe.+
