Zaburi 6:1-10
Ne jatend wer. Wendni onego ower gi gige thum ma nigi tonde migwelo e dwol mar Sheminith.* Wend Daudi.
6 A Jehova, kik ikwera gi ich-wang’;Kendo kik irieya gi mirima.+
2 A Jehova, kecha nikech tekona rumo.
A Jehova, changa+ nimar chokena tetni.
3 Chunya chandore malit,+Yaye Jehova, yie apenjie, abiro chandora nyaka karang’o?+
4 A Jehova, duogi mondo iresa;+Resa nikech herani osiko.+
5 Onge ng’at ma nyalo pari kosetho;Ng’ano manie Liel* ma dipaki?+
6 Chur ma achurgo osejonya;+Pi wang’a pong’o kitandana otieno mangima.
Adier, pi wang’a mol e piendena.+
7 Wengena ojony nikech lit ma an-go;+Jo ma sanda osemiyo wengena ok nen maler.
8 Auru kuoma un joricho duto,Nimar Jehova biro winjo ywagruokna.+
9 Jehova nowinj kwayona, kendo nonyisa ng’wono;+Jehova biro winjo lamona.
10 Wasika duto biro yudo wich-kuot mi gihum nono;Gibiro dok chien apoya nikech wich-kuot.+
