Zaburi 63:1-11
Wend Daudi, ka ne en e thim mar Juda.+
63 Yaye Nyasaye, in e Nyasacha kendo amanyi gi kinda.+
Riyo oloya kodi.+
Agombi ahinyaE piny motwo kendo maliet, ka ma pi onge.+
2 Asemanyi e kari maler;Aseneno tekoni gi duong’ni.+
3 Nikech herani mosiko ber moloyo ngima,+Dhoga biro miyi duong’.+
4 Abiro paki ka pod angima;Abiro lami ka ahulo nyingi.
5 Chunya mor mana ka ng’at moyudo pok maberie moloyo*Anapaki ka awer gi mor.+
6 Ka an e otanda to in e ma apari;Apari matut seche duto mag otieno.+
7 Nikech in e jakonyna,+Awer ka an e tipo mar buombeni.+
8 Amaki matek;Lweti ma korachwich rita.+
9 Jo ma dwaro negaBiro dhi e bur matut.
10 Ibiro tiekgi gi ligangla;Ginibed chiemb ondiegi.
11 To Ruoth biro bedo moil kuom Nyasaye.
Ji duto ma singore e nying Nyasaye nobed mamor,To dho jomiriambo ibiro um.
Weche Moler Piny
^ Hibrania, “ka ng’at mochamo ondhudho kod mo.”
