Zaburi 39:1-13
Ne jatend wer mar Jeduthun.*+ Wend Daudi.
39 Ne awacho ni: “Abiro rito yorena,Mondo lewa kik wach gimoro amora marach.+
Abiro tueyo dhoga+Seche duto ma joricho ni buta.”
2 Ne aling’ thi;+Ne aling’ thi kata ka gimoro ne ber,To lit me chunya ne medore ameda.
3 Chunya ne liet ka mach.
Kaka namedo paro wachno e kaka chunya nomedo chwakore.
Eka nating’o dhoga mi awacho kama:
4 “Yaye Jehova, konya ng’eyo kaka giko mar ngimana biro chalo,Kod kar romb ndalona,+Mondo ang’e ni ngimana chuok marom nade.
5 Iseketo ndalona obedo machuok;+Hika tin ahinya e nyimi.+
Adier, dhano chalo mana gi muya, kata ka ngimane nenore ni ber.+ (Sela)
6 Dhano lworore koni gi koni ka tipo.
Orikni gi tijene kayiem nono.
Ochoko mwandu mathoth to ok ong’eyo ng’a mobiro weyonegi.+
7 To koro, yaye Jehova, en ang’o ma anyalo geno?
Aketo genona duto kuomi.
8 Resa kuom kethona duto.+
Kik iyie mondo ng’at mofuwo ojara.
9 Ne aling’ thi,Kendo ne ok anyal yawo dhoga,+
Nikech in e misemiyo gigo oyuda.+
10 Kik ikuma kendo.
Lweti osegoya ma koro achiegni tho.
11 Irieyo ng’ato kikume nikech richone;+Iketho gige mabeyo mana kaka kudni ketho gimoro.
Adier, dhano chalo mana gi muya.+ (Sela)
12 Yaye Jehova, winj lamona,Chik iti ne ywakna.+
Kik iling’ aling’a sa ma pi wang’a chuer.
An mana wendoni e piny kuom kinde machuok,+An jawuoth mana kaka kwerena nobedo.+
13 Kik ing’iya ka in gi mirima mondo chunya oduog,Ka pok atho mi alal chuth.”
Weche Moler Piny
^ Som Tiend Weche.
